Hargeysa (Dawan):- Baarlamaakna Somaliland iyo dawladda dalka Sweden,ayaa ka wada hadlay qabsoomidda doorashooyinka Somaliland ku soo fool leh iyo dhaqaalaha lagu gelayo oo ay Sweden qayb ka tahay dawlaha qaadhaanka arrimaha doorashooyinka ka taageera Somaliland
Guddoomiyaha golaha wakiiladda Baashe Maxamed Faarax oo kulan saacado badan qaatay xaiiskiisa Hargeysa kula yeeshay wefti ka socday dalka Sweden oo uu hoggaaminayay Safiirka dalka Sweden ee Somaliland Ambassator Andreas Ron Vexkull.
Kulankan oo qodobo dhawr ah lagaga wada hadlay waxaa markii uu soo dhammaaday warbaahinta la hadlay Guddoomiye Baashe,ayaa faah faahin ka bixiyay qodobada ay ka wada hadleen oo uu sheegay in ay ka mid ahayd in doorashooyinka Somaliland ku soo foolka lihi ay ku qabsoomaan xilliga u muddaysan iyo in qaadhaan bixiyeyaashu ay bixiyaan lacagta doorashooyinka lagu gelayo qaybtooda.
Waxaanu yidhi Guddoomiye Baashe oo arrimahaa ka hadlayaa.
“Waxaa na soo booqday safiirka Sweden ee Somaliland dalka Sweden Ambassato Andreas Ron Vexkull waxaanu ka wada hadalnay doorashooyinka inagu soo foolka leh, waxaanu ka wada hadalnay sidii ay golaha si weyn uga caawin lahaayeen shuruuc badan oo aanu heyno iyo dhismaha xarunta golaha wakiiladda”
Guddoomiyaha oo hadalkiisa sii wataa waxa uu intaa raaciyay “Waxaanu u sheegnay inay golaha wakiiladda Somaliland diyaar u yihiin 2019-ka galista doorashada golaha, shaqadana waala kala leeyahay ee waxaanu u sheegnay inay diyaariyaan kharashkii iyo lacagtii doorashada lagu gali lahaa iyaga oo markii hore bixin jiray boqolkiiba shan iyo todobaatan, hase ahaate xukuumada Somaliland ay bixin jirtay shan iyo labaatan laakiin tii aqalka madaxtooyada ee u dambaysay in ay xukuumada Somaliland bixisay boqolkiiba shan iyo todobaatan hay’addaha qaadhaan bixiyeyaashuna ay boqolkiiba shan iyo labaatan keliya ay bixiyeen,markaa waxaanu isla garanay oo aanu ku wargalinay inay bixiyaan lacagtii intii ay hore u bixin jireen ee aheyd boqolkiiba shan iyo todobaatan xukuumada iyo xisbiyaduna ay diyaar u yihiin inay diyaariyaan kootadii haweenka iyo saami qaybsigii inay diyaariyaan komishanka doorashooyinka qaraka Somalilandna ay diyaariyiin doorashooyinka iyo sidii loo qaban-lahaa, qoladan Swedenna waxaanu u sheegnay inay diyaariyaan lacagtii doorashada lagu geli lahaa, caawimada golaha iyo bixinta lacagta doorashooyinkaba waa ay naga aqbaleen qastigooda u weynina waxaa uu u badnaa inaanay Doorashada soo socota wakhtigeedii dib uga dhicin.”
Dawannews Hargeysa office