Baadi-goob caalami ah ayaa socda oo lagu raadinayo laba nin oo xaday silsilad lagu qurxiyay in ka badan 600 oo dheeman ah matxaf ku yaal Vienna ka dib markii ay iibsadeen tigidhadii bandhigga lagu soo gelayey Matxafka. Booliska ayaa sheegay in labada eedeysane ay jabiyeen Quraarad muraayad ah oo lagu soo bandhigay Silsilada galabnimadii Khamiista. Matxafka Farshaxanka ee Vienna, oo loo soo gaabiyo (Museum of applied arts (MAK). Tuugada ayaa la sheegay markii ay jebiyeen in ay qaateen silsiladda platinum iyo dheemanka, oo la rumeysan yahay inay qiimaheedu ka badan yahay $4m (£3m; €3.5m).
Silsiladda, oo ay lahaayeen qoyskii hore ee boqortooyada Masar, ayaa qayb ka ahayd bandhig ay soo bandhigeen dahableyda Van Cleef & Arpels, oo la filayay in lagu daawado Matxafk-MAK ilaa Sebtembar. Xatooyadan ayaa ah tii ugu dambeysay ee taxane ah oo ah dhacyo cajiib ah oo lagu sameeyay matxafyada ku yaal Yurub.
Booliska Vienna ayaa soo bandhigay sawirrada labada tuhmane, kuwaas oo laga soo muujiyey wejigooda, kuwaas oo lagu qabtay kamaradaha amniga. Waxay ka codsanayaan dadweynaha inay soo gudbiyaan macluumaad.
Booliisku waxay ku sheegeen bayaan ay soo saareen in mid ka mid ah dadkii geystay falkan la rumeysan yahay inuu watay wax loo malaynayay inuu ahaa qori dhab ah.
Ka dib markii ay ka qaateen silsiladdii, waxay u carareen “dhinaca Vienna Stadtpark” oo ku taal koonfurta matxafka, ayay yidhaahdeen.
Lilli Hollein, agaasimaha guud ee MAK, ayaa yidhi “xatooyada dahabka aadka u qiimaha badan… ayaa nagu dhacday”.
Waxay ku sheegtay bayaan ay soo saartay in MAK ay qorshe amni la samaysay Van Cleef & Arpels si gaar ah bandhigga, iyada oo raacisay: “Arimaha amniga si aad ah ayaa loo tixgeliyey, dhammaan tallaabooyinka amnigana si taxaddar leh ayaa loo diyaariyey.”
Hollein wuxuu sheegay in shaqaaluhu si deggan uga falceliyeen oo ay raaceen habraacyadii la dejiyay markii “dhacdada hubaysan” dhacday, mana jirin cid wax ku noqotay.
Waxay intaas ku dartay in MAK ay si fiican u eegtay tallaabooyinkeeda amniga ka hor bandhigga, “gaar ahaan marka la eego dhacdooyinkii ka dhacay matxafyada waaweyn sannadihii ugu dambeeyay”.
Waxyaabihii ugu muhiimsanaa ee ka dhacay Matxayo Yurub ah waxa ka mid ahaa dahabka qadiimiga ah, waxaana laga xaday matxaf Isbaanish ah, isla todobaadkan.
Afar sawir oo ahaa xilligii Renaissance ah oo laga xaday matxaf ku yaal Sicily horraantii bishan, halka saddex sawir oo ay sameeyeen Renoir, Cézanne iyo Matisse oo qiimahoodu gaadhayo malaayiin Yuuro laga soo qaaday matxaf ku yaal Parma horraantii sanadkan.
Sidaas oo kale weerar xooggan ayaa ka dhacay Matxafka Louvre ee Paris bishii Oktoobar ee la soo dhaafay, halkaas oo koox maaskaro xidhan ay ka xadeen dahab qaali ah.
Xatooyada isdaba joogga ah ayaa su’aalo ka keenay amniga hay’adaha dhaqanka ee Yurub.
Europol waxay sheegtay in xatooyada matxafyada ay sii kordhayso, iyada oo lagu xadayo habab weerar iyo dhac ah, iyada oo intaas ku dartay “inay muujin karto ku lug lahaanshaha shabakadaha dambiyada cusub”.
Silsiladda laga xaday Vienna Jimcihii waxaa loogu talagalay qoyska boqortooyada Masar ee hore, waxaana xidhay Boqorad Nazli sannadkii 1939-kii si ay gabadheeda Fawzia ugu guursato Shah-kii mustaqbalka ee Iiraan, Mohammad Reza Pahlavi.
Van Cleef & Arpels waxay ku tilmaameen “guusha dahabka cad”. Dheemanka ku yaal silsiladda ayaa miisaankiisu ka badan yahay 200 oo karat.
Markii la xaraashay toban sano ka hor, waxay lahayd qiima lagu qiyaasay $3.6m-$4.6m.
Cutubyo boolis ah oo eeyaha ah ayaa laga howlgeliyay Vienna iyo gobolka Lower Austria, halka khubarada dambi baadhista ay falanqeynayaan caddaymaha iyo muuqaallada CCTV. Bandhigga matxafka hadda dib ayaa loo furay.
Daadadka Nepal: Macallin