Hargeysa(Dawan):- Madaxweynaha Jamhuuriyadda Somaliland Mudane Axmed Maxamed Maxamuud (Siilaanyo), ayaa oo socdaal shaqo ugu ambo-baxay gobollada barriga dalka, ayaa shalay galab gaadhay magaaladda Burco ee xarunta gobolka Togdheer oo si weyn loogu soo dhaweeyay.
Madaxweyne Siilaanyo oo shalay subax ka ambo-baxay Hargeysa, ayaa waxa si weyn loogu soo dhaweeyey jiida u dhaxaysa magaalooyinka Hargeysa, Berbera iyo Buro, iyadoo aanay u kala hadhin soo dhaweyntiisa maamulka heer gobol, heer degmo iyo shacabkaba deegaamadaasiba. Madaxweynaha waxaa socdaalkiisa ku weheliya xubno ka mid ah Golaha Wasiirrada iyo taliyayaasha ciidamada ee Booliska iyo milateriga. Afhayeenka madaxweynaha Somaliland Md. Xuseen Aadan Cigge (Xuseen Deyr) oo shalay warbaahinta kula hadlay magaaladda Berbera, ayaa tafaasiil ka bixiyay ujeedada socdaalka madaxweynaha ee xilligan.
“Madaxweynaha Jamhuuriyada Somaliland Mudane Axmed Maxamed Maxamuud (Siilaanyo), waxa uu safar ku mari doonaa gobollada bari ee dalka. Madaxweyne Siilaanyo inta taariikhda la ogyahay waa madaxweynihii ugu socodka iyo socdaalka badnaa si uu uga warqabo hawlaha qaranka, baahiyaha bulshada iyo arrimaha bulshada iyo arrimaha umaddu sida ay u socdaan. Waana lagama maarmaan in laga warqabo baahiyaha bulshadda dadka Somaliland, dhinac akasta oo ay tahay. Madaxweynuhu isagoo gudanaya waajibaadkiisa qaran ayaa waxa uu safar ku marayaa gobollada barriga,”ayuu yidhi Afhayeenka Madaxtooyaddu. Waxaanu intaasi ku daray “Safarkan madaxweynuhu waxa uu daaran yahay indho-indhayn iyo inuu u kuur galo hawlaha qaranku sida ay u socdaan, baahiyaha jira wixii laga qaban karo. Adeegyada aasaasiga ah. Guud ahaan safarka madaxweynuhu taas ayuu daaran yahay in hawlaha qaranka laga badhi taageero halka u baahan in wax laga qabto, bulshadana ka dhagaysto cabashooyinkooda iyo wixii loo qabanayo.”
Dawannews Hargeysa office
Home Wararka Dalka Dullucda Socdaalka Madaxweynaha Ee Gobollada Bari Iyo Jawigii Loogu Soo Dhaweeyay Saaxil...