Hargaysa (Dawan):- Wasiirul dawlaha wasaarada maaliyada Somaliland Maxamed Faarax Ducaale, ayaa magaaladda Hargaysa tababar lagaga hadlayay nidaamka cashuuraha u soo xidhay saraakiil ka socday qaybo waxeedyada wasaarada maaliyadda.
Maxamed Faarax Ducaale, oo hadal ka jeediyay xidhitaankii tababarkan oo muddo lix maalmood ah uga socday qaybo waxeedyada wasaarada maaliyada huteel Ambassador ee magaaladda Hargeisa, ayaa kula dar-daarmay ka qaybgalayaashii tababarka in ay ku shaqeeyaan casharadii ay barteen,isagoo ku amaanay sida ay uga faa’iiidaysteen mudadii uu tababarku socday.
Wasiiru dawlaha maaliyadda oo arrimahaasi ka hadlayayna waxa uu yidhi “Waan idiinka mahad celinayaa sida aad uga qaybgasheen tababarkan qiimaha badan, waana muhiim tababarada noocan ah in aan ka soo qaybgalno. Sababtoo ah waa muhiim in aanu hubino in sidii loogu talo galay ay u fuleen iyo in aad ku qanacsantihiin tababarka la idiin qabtay habka loo maamulay. Sidaa darteed macalimiintuna aad ayay idiin amaaneen casharada sida aad u qaadanayseen, waxaana tababarkan qaatay oo ka soo qaybgalay madaxdii laamaha wasaarada maaliyada, haddii aanu is-bedalku madaxda ka suura galan shaqaalahana ka suuro galimaayo.”
Isagoo hadalkiisa sii watayna waxa uu yidhi “Waxaa la doonayaa in aynu u gudubno habka casriga ah, kolayba hababka la bartay ka guurkiisa waa laga yaabaa in uu ku adkaado, qolada baratay aad ayaan ugu farax sanahay in aan idikala soo qaybgalo xidhitaanka tababarkan, aadna waan idiinka mahad celinayaa sida aad uga faa’iidaysateen tababarkan mudadii uu socday”.
Dawannews Hargeysa office
