Nin miskiin oo dawarsanaya ayaa habeen guri ay hortiisa ku sheekaysanayaan koox rag ah ku yidhi “ Waar casho isiiya”. Nimankii ayaa ugu jawaabay “ Allah ina ha siiyo”. Miskiinka ayaa ku celiyay waar jab roodhi ahna miyaydaan hayn? Iyaguna waxay ugu jawaabeen maya , mahaysano.
Haddana wuxu ku yidhi “ Hambadii cashadiina isiiya “? Waxayna yidhaahdeen waxba ma hayano.
Isagoo yaaban ayuu ku yidhi “ Bal haddaba koob biyo cad ah isiiya”? Markaasay ugu jawaabeen “ Biyo nooma yaalnaaba “? Miskiinka oo amankaagsan ayaa ku yidhi “ Haddaa meesha maxaa la fadhidaan ina mariya aan wada dawarsanee idiinkaaba iga mudan dawaradee”!