Arrimaha Adag Faraj Ayaa Ka Danbeeya!

0
71

Allah (swt) wuxuu Quraanka Kariimka ku yidhi: “Miyaaney subaxdu (aroortu) aheyn mid dhaw”. Rasuulka Allah isaguna (scw) wuxuu yidhi: “ Cibaado waxa ugu fadli badan: farajka oo la sugo” Waxa weriyay Tarmadi.

Carabtuna waxay tidhi: “ Xadhigu markuu adkaado, ugu danbaysta wuu go’aa”, oo loola jeedo, arimuhu marka ay adkaadaan waxaad sugtaa waa farajkii Allah (sw) iyo albaab ka furma.   Dhib ka ugu khatar badan ee qof ku dhacaa, wax kale maaha ee waa isagoo male xun naftiisa ka maleysta.

Ma maqashaa  maalmahan kelmadahan soo socda: ma Awoodo, ma Karayo, xitaa hadaan sidaa yeelo waan qaldamayaa, waan Fashilmayaa.

Kelmadahaasi waxay  ka khatar badanyihiin dagaal foolka-fool ah oo hub iyo rasaas la isku adeegsado. Isku dey inaad warqad iyo qalin soo qaadato ka dibna aad qorto wax kasta oo aad hore u tidhi ma awoodo, kuna hoos qortid waan awoodaa; naftaadana ku kalsoonow.

Nin xakiim ah ayaa yidhi “ Arrin kasta wuxu ku bilowdaa yaraan, ka dibna wuu koraa oo weynaada ilaa Masiibada mooyee. Iyadu waxay ku bilaabantaa weynaan ka dibna way yaraataa”. Shay kastaana marka uu bato wuu jabaa oo rakhiis noqdaa , edebta mooyee, iyadu way qaaliyowdaa”. Guushuna waa go’aanka saxda ah.

LEAVE A REPLY

Please enter your comment!
Please enter your name here