Hargeysa(Dawan):-Xukuumadda Somalilan ayaa sheegtay in Baanka Imaaraadka Carabta ay ka wada hadleen sidii dalaga Qamadida ay ugu beeri lahaayeen dalka.
Wasiirka Wasaarada Horumarinta Beeraha Somaliland Cabd Cabdiqaadir Iimaan Warsame ayaa waxa uu sheegay in Baanka Imaaraadka carabta ay soo ogaadeen in Somaliland tahay meesha ugu wanaagsan ee Qamadi ka bixi karto,
Cabd Cabdiqaadir Iimaan ayaa sidan ka sheegay hadal uu shalay ka jeediyay Tababar loo furay isku duwayaasha
Gobalada iyo Degmooyinka dalka ee Wasaarada beeraha oo lagaga hadlayay Xoojinta nidaamka xogta Beeraha,Waxaana uu yidhi”Waxa aynu soo saarnaa waa Basal saladh Basbaas iyo Liin dad cunto haysta oo dhargay ayuunbaa cuna,waxa aynu u baahanahay in aynu soo saarano cuntadii aynu cunaynay waana in aynu cimilada la jaanqaadno waxaana aan ka soo helay Dawlad Deegaanka Soomaalida Qamadi ku baxaysa labo bilood 18 cisho waxaana aanu ku bilownay tijaabadii deegaanka Beer Galbeedka waa lagu bilaabay.waana in la kordhiyo wax soo saarkii Qamadida waayo wakhti gaabana waaku baxaysaa Qamadida waxaana laga sameeyaa roodhida,”.
Sidoo kale Wasiirka ayaa waxa uu tilmaamay in wefti ka socda baanka Imaaraadka carabta ay socdaal ku iman doonaan dalka bisha soo socota.Waxaana uu yidhi”Waxa aanu la kulanay bangiga ugu wayn ee Imaaraadka carabta Madaxweynaha waa u yimideen,waxaana ay soo ogaadeen in Somaliland tahay meesha ugu wanaagsan ee qamida ka bixi karto.waxaana ay yidhaahdeen anagaa beerayna ee naga iibiya bisha soo socota ayaa wefti soo dirayaan,”.