Dagaalka u dhaxeeya Israa’iil iyo Xamaas ayaa galay maalintii 200-aad, kaas oo dhaliyey khasaare dhimasho, dhaawac, burbur iyo xaaalad bini’aadannimo oo daran sida ay sheegeen haya’addaha Qaramada Midoobay. Iyadoo ay si gaabis ah u socdaan fursadaha caalamiga ee la doonayo in dhinacyada lagu dhexdhigo xabad joojin ayaa markan Ururka Xamaas soo saaray fariin cusub oo ku wajahan dagaalka socda.
Afhayeenka Guutada Al-Qassam, Abu Cubayda, ayaa ballan qaaday inay sii wadi doonaan dagaalka ka dhanka ah ciidamada Israa’iil l, 200 maalmood kadib markii uu dagaalka ka qarxay Qasa.
Waxaa isag si caro leh u hadlayey uu sheegay “in u diyaargaroobayaan iska hor imaad gudaha,hareeraha Falastiin iy xitaa caalamka oo dhan”
Abu Cubayda, wuxuu ku eedeeyay ciidanka Israa’iil in ay “ka faa’iidaysanayaan xaaladdooda dhulka ee ay ku hayaan burbur aargoosi ah oo aan kala sooc lahayn, isaga oo sheegay in Israa’iil ay si aan waxba tarayn isugu dayaysay in ay soo celiso muuqaalkeeda tan iyo maalintaas,”
Abuu Cubeyda waxa uu khudbadiisa Talaadadii ku yidhi: “Beenta ay dowladda Israa’iil sheegtay waxaa ka mid ah in ay ku xirto waxa loogu yeero guusha dagaalkan iyo duullaankii Rafah, iyo in ay isku daydo in ay ku khiyaanto caalamka in ay meesha ka saartay inta badan Qasm. guutooyin militari oo ku sugan Marinka Gaza oo ay ka baxeen guutooyinka Rafah”.
Wuxuu ku eedeyey Israa’iil in ay ka gaabisay in la gaaro heshiis is dhaafsi maxaabiis ah, isagoo sheegay in ay “isku dayeyso in ay carqaladeyso dadaallada dhexdhexaadiyeyaasha ah ee lagu doonayo in lagu gaaro xabbad-joojinta.”
Dhinaca kale, Israa’iil ayaa Salaasadii shalay weerarro ku qaaday qaybo kala duwan oo ka tirsan Marinka Qasa, duqeymihii ugu xoogganaa ee toddobaadyo socday, gaar ahaan Waqooyiga Marinka, oo ay Ciiddanka Israa’iil hore u yareeyeen joogitaankooda.
Dhaqdhaqaaqa Jihaad Islaami ah oo xulafo la ah Xamaas, ayaa sheegtay mas’uuliyadda weerarrada gantaallada ah ee lala beegsaday deegaannada Sderot iyo Kibbutz Niram, taasoo muujineysa awoodda kooxaha hubeysan ee Falastiiniyiinta ay u leeyihiin inay qaadaan weerarro xitaa ka dib 200 oo maalmood oo dagaal ah,
Israa’iil ayaa amartay daad-gureynta cusub ee Beyt Xaliya, ee waqooyiga Qasa, iyadoo ku tilmaantay aaggaas “aag dagaal oo khatar ah,” sida uu sheegay afhayeenka ciidamada Israa’iil.
Dhanka Qasa, Wasaaradda Caafimaadka ayaa sheegtay in tirada guud ee dhimashada Marinka ay kor u dhaaftay 34,000 oo qof tan iyo markii uu dagaalka billowday, in ka badan 77,000 oo kalena ay ku dhaawacmeen.
Waa maxay Guutooyinka Qassam?
Guutada Ciss al-Diin al-Qassam waa garabka milatari ee dhaqdhaqaaqa Xamaas, kaas oo la asaasay 1980-meeyadii. Waa garabka militari ee u xilsaaran arrimaha ciidan ee ururka.
Dhaqdhaqaaqa ayaa ku lug lahaa geeddi-socodka siyaasadda Falastiiniyiinta tan iyo 2005, markii Israa’iil ay kala baxday ciidamadeeda iyo dadka degganaa Qasa, waxayna ku guulaysteen doorashadii sharci-dejinta ee 2006, ka hor inta aanay xoojin awooddeeda Qasa, sannadkii xigay oo ay afgembiyeen dhaqdhaqaaqa Fatah ee uu hoggaamiyo Madaxweyne. Maxamuud Cabaas.
Wixii xilligaasi ka dambeeyay, garabka hubaysan ee ku sugan Qasa, waxa ay qaadeen tiro hawlgallo waaweyn ah oo ay kula dagaallamayaan Israa’iil.
Israa’iil, Maraykanka, Midowga Yurub iyo Boqortooyada Midowday ee Ingiriiska, iyo sidoo kale quwadaha kale, waxay Xamaas guud ahaan, ama xaaladaha qaarkood u kala saaraan koox argagixiso ah.