Kooxda Barcelona ayaa weli ka fog buuxinta shuruudda 1:1 Financial Fair Play ee La Liga, iyadoo lagu waramayo inay ka dhiman tahay qiyaastii €36 milyan, sida uu qoray wargeyska Culemania.
Wararka ayaa sheegaya in Barça ay sugayso lacag ka yar €30 milyan oo laga filayo kuraasta VIP-da garoonka, halka sidoo kale ay ka fiirsanayaan “hawl maaliyadeed oo gaar ah” si ay u gaaraan tirada loo baahan yahay.
Si kastaba ha ahaatee, ma jirto hubanti ah in kooxda ay lacagtaas heli karto ka hor dhammaadka bisha Jeeniweri — taas oo micnaheedu yahay in aysan awoodi doonin inay si caadi ah u diiwaangeliso ciyaartoy cusub.
Sidaas darteed, waa mid aad u yar suurtagalnimada in Barcelona ay sameyso saxiixyo waaweyn suuqa kala iibsiga bisha Jeeniweri.
Baahiyaha ugu degdegga badan ee kooxda waa weerarka iyo daafaca dhexe, balse tababare Hansi Flick ayaa ku qasban inuu ku shaqeeyo ciyaartoyda uu hadda haysto ilaa xaaladda dhaqaale ee kooxda ay hagaagayso.
