Federico Chiesa ayaa loo doortay xiddiga Bisha ee Standard Chartered ee Liverpool kadib bandhigyo cajiib ah oo uu sameeyay bishii Sebtembar isaga oo ka hoos ciyaaraya tababare Arne Slot. Weeraryahanka reer Italy ayaa ku guuleystay abaalmarintan markii ugu horreysay tan iyo markii uu yimid Liverpool, isaga oo helay 34% codadkii taageerayaasha ee lagu qaaday Liverpoolfc.com, isaga oo ka horreeyay Alisson Becker iyo Ryan Gravenberch.
Chiesa oo ku faraxsanaa abaalmarinta ayaa yidhi isagoo koobka ku guddoomay xarunta tababarka AXA:
“Waan ku faraxsanahay inaan helay abaalmarintan. Waxaan u mahadcelinayaa taageerayaasha. Si kastaba ha ahaatee, waan jeclaan lahaa inaanan mar dambe helin abaalmarin sidan oo kale ah, balse aan badino kulamo badan.”
Bisha Sebtembar, Chiesa wuxuu ka qeyb qaatay 3 gool (goolal + caawino), oo ay ku jiraan laba caawin kulankii Carabao Cup ee ay Southampton ku garaaceen iyo gool uu kursiga kaydka kasoo istaagay kulankii Crystal Palace
