Tababaraha Barcelona, Hansi Flick, ayaa muujiyay kalsooni buuxda inkastoo kooxdiisa lagu garaacay 4-0 lugtii hore ee semi-finalka Copa del Rey oo ka dhacday garoonka Riyadh Air Metropolitano Stadium. Goolasha ay dhaliyeen Antoine Griezmann, Ademola Lookman, Julian Alvarez iyo Eric Garcia ayaa siiyay Diego Simeone iyo kooxdiisa Atletico Madrid guul weyn.
Si kastaba ha ahaatee, Flick ayaa rajo weyn ka qaba lugta labaad ee ka dhici doonta Spotify Camp Nou bisha Maarso.
“Waxaan haysanaa fursad aan ku soo laaban karno. Waxaan ku badin karnaa qayb kasta 2-0,” ayuu yidhi Flick.
“Waan awoodnaa inaan sameyno remontada. Waan dagaalami doonnaa, taas darteedna waxaan u baahannahay taageerayaasheenna inay garoonka buuxiyaan.”
Barcelona ayaa hadda wajahaysa caqabad adag, balse Flick wuxuu aaminsan yahay in taageerada jamaahiirta iyo dadaalka ciyaartoyda ay beddeli karaan natiijada.
