Eberechi Eze ayaa galay taariikhda Arsenal kadib markii uu barbareeyay rikoorka goolasha Premier League ee ay Thierry Henry iyo Robin van Persie ka dhaliyeen Tottenham Hotspur.
Xiddiga reer England ayaa bandhig cajiib ah ku sameeyay North London Derby-gii ka dhacay Tottenham Hotspur Stadium, halkaas oo uu laba gool dhaliyay, taasoo ka caawisay Arsenal inay guul weyn oo 4-1 ah ka gaadho Spurs. Saaxiibkiis Viktor Gyökeres isna wuxuu dhaliyay laba gool, iyadoo kooxda Mikel Arteta ay si buuxda u maamushay kulanka.
Sida ay sheegtay OptaJoe, labadaas gool ee Eze waxay ka dhigeen inuu gaadho 5 gool oo Premier League ah oo uu ka dhaliyay Tottenham, tiro la mid ah tan ay horay u diiwaangeliyeen Thierry Henry iyo Robin van Persie kulankan.
Arrin kale oo taariikhi ah ayaa ah in Eze uu noqday ciyaaryahanka labaad ee kaliya ee dhaliya 4 gool ama ka badan kulamada North London Derby hal xilli ciyaareed gudihiis, tan iyo markii Ted Drake uu sameeyay xilli-ciyaareedkii 1934–35 (5 gool).
Marka la eego guud ahaan goolasha Arsenal ay ka dhaliyeen Spurs ee Premier League:
Robert Pirès – 7 gool
Emmanuel Adebayor – 6 gool
Eberechi Eze – 5 gool
Thierry Henry – 5 gool
Robin van Persie – 5 gool
Tani waxay sii xoojisay kaalinta Eze ee uu kaga jiro ciyaartoyda ugu saameynta badan Arsenal kulamada ay la ciyaaraan Tottenham, inkastoo uu kooxda ku soo biiray xagaagii hore. Guushiisa iyo waxqabadkiisa derby-ga ayaa muujinaya inuu si degdeg ah ula qabsaday cadaadiska iyo taariikhda kulankan weyn.