Nin hore u ahaa banker ayaa loo dhaariyay inuu noqdo madaxweynaha cusub ee dalka Burkina Faso iyada oo hortiisa joogaan kumanaan taageerayaashiisa ah oo faraxsan.
Ninkan oo la yidhaa Roch Marc Christian Kabore waxa uu ku guuleystay doorashooyinkii bishii hore.
Waa madaxweynihii ugu horeeyay tan iyo markii lagu ridey hoggaamiyihii hore Blaise Compaore kacdoon dadweyne kal hore.
Mr Kabore ayaa la jaal ahaa Mr Compaore ka hor intaaney labaduba dhicin.
Dhawr madaxda Afrika ah ayaa ka soo qaybgalay caleemasaarka Mr Kabore oo ka dhacay caasimada Ouagadougou.
Mr Kabore waxa uu sheegay inuu difaacayo dastuurka, islamarkaana uu xaqiijinayo caddaalad loo dhan yahay.
Waxa uu mar soo ahaa Ra’iisulwasaaraha Mr Compoare, haseyeeshee waxa uu ku soo caanbaxay kadib markii uu ka soo horjeestay beddelaadii dastuurka ee lagu doonayay inuu mar saddexaad tartamo madaxweynihii hore.
Mr Compaore waxa uu u baxsadey Ivory Coast kadib markii xoog lagaga qaaday xafiiska.
