Hargaysa (Dawan): Suldaan Nadiif Saydh Jibriil oo ka mid ah salaadiinta reer Somaliland ayaa si weyn ugu mahad naqay xildhibaan Axmed Maxamed Diiriye (Nacnac), oo guri u dhisay qoys danyar ah oo degan xaafadda Bir-jeex ee degmadda Axmed-dhagax qosykaasi oo uu dhawaan ka gubtay gurigii ay deganaayeen.
Suldaan Nadiif Saydh, oo shalay warbaahinta kula hadlay magaaladda Hargeisa, ayaa xildhibaan Nacnac ku sifeeyay in uu yahay shakhsi ku sifoobay daacadnimo, isla markaana uu si weyn uga shaqeeya wax u qabashadda dadka taagta daran.Waxaanu sheegay suldaan Saydh in xildhibaan Nacnac uu qoyskaasi dan-yarta ah u dhisay guri, isla markaana uu alaabta guryaha u iibiyay. “Qofka marka dhibaato hesho ama guri ka gubto, beelaha kale ayaan kala simanahay si aan beelaha kale loogu kicin ayaa noolugu kacaa. Waxa jirtay innan Ma-dhibaan ahaa oo deganaa meel ka shishaysa xerada Bir-jeex, oo uu aqal ka gubtay, waanu shuf belay gurigu shayna kama baxsan caruurtii uun baa ka badbaaday.Kadib-na xildhibaan Nacnac ayaa u yimid, wuxuu arkay caruurta yaryar ee bacadka fadhiya, wax walbana wuu u qabtay qol ayuu u dhisay iyo berkad wanaagsan. agabkii guriga oo dhana waa loo dhigay, wax walbana waa loo sameeyay”ayuu yidhi suldaan Nadiif.Isagoo hadalkiisa sii watayna waxa uu yidhi “Xildhibaanka Nacnac waa xildhibaanka xildhibaanada ee ku jira golaha Wakiiladda ee dulmiga ka xanaaqa, waxaanu wax u qabtaa beesha Gabooye, waxaanu reer kaa u iibiyay agabkii aqalka oo dhan, lacagna wuu siiyay, isaga iyo madaweynaha ayaana arrinkaa ka wada socda.’’ Dhinaca kale Suldaanku waxa uu sheegay in aanu jirin wax faquuuq oo ay beeshiisu kala kulanto beelaha kale ee reer Somaliland, isla markaanna ay la siman yihiin beelaha kale ee degan dalka.Waxaanu yidhi “Beesha Gabooye waxay yidhaahdaan waxba nalooma qabto gude iyo dibadba, waana lana Yasaa, waxba kama jiraan arrinkaa ee beelaha kale ayay la siman yihiin aad iyo aad ayaana na loo tixgeliyaa”.
Dawannews Hargeysa office
