Khadar.M.Dhako.
Hargaysa(Dawan):-Gudida Maamul Wanaaga iyo la Dagaalanka Musuqmaasuqa Somaliland ayaa Guddoomiye cusub u doortay Dayib Aadan Xaaji Cali oo ka mid ahaa xubnaha Gudidaas.
Xubin ka mida gudida Maamul Wanaaga iyo la Dagaalanka Musuqmaasuqa oo ah xubinta ugu da’da wayn Cabdiqaadir Xaaji Ismaaciil ayaa sheegay in Guddoomiye ay u doorteen Dayib Aadan Xaaji Cali.waxaanu yidhi“Waxa aanu halkan Guddooomiyaha cusub ee Gudida Maamul Wanaaga iyo la Dagaalanka Musuqmaasuqa ugu dooranay Dayib Aadan Xaaji Cali,annagoo uga dan leh in aanu dardar galino Shaqada aanu u xil Saarannahay ee Qaranka sida uu na farayo xeerka uu ku aasaasanyahay Gudida Maamul Wanaaga iyo la Dgaalanka Musuqmaasuqa sidaas ayaanu ku dooranay Guddoomiyaha cusub,”.
Sidoo kale Guddoomiyaha cusub ee Gudida Maamul Wanaaga iyo la Dagaalanka Musuqmaasuqa Somaliland Dayib Aaden Xaaji Cali ayaa soo dhaweeyay Guddoomiyenimada loo doortay.waxaana uu yidhi“Waxaan uga Mahadnaqayaa Gudida Maamul Wanaaga iyo la Dagaalanka Musuqmaasuqa Somaliland ee ii doortay in aan noqdo Guddoomiyaha Gudida Maamul Wanaaga iyo Dagaalanka Musuqmaasuqa Somaliland,sida uu dhigayo Xeerka gudidu anna waxaan isku dayi doonaa masuuliyadda ay ii igmadeen in aan sideeda uga soo baxo waana waajib qaran wada shaqayntii gudida ayaanu dardar galin doonaa Hay,adaha dawladda oo dhanna Maamul Wanaaga ayaanu ka wada shaqaynaynaa,”.