Hargaysa (Dawan): Kiisaska cabashooyinka ah ee ka dhanka ah xuquuqda aadanaha ayaa si weyn kor ugu kacay guud ahaanba dalkan Somaliland marka la bar-bar dhigo sanadihii hore.
Waxaana sanadkii ina dhaafay ee 2020-ka komishanka xuquuqal iinsaanka qaranka Somaliland soo galay 101 cabasho, oo ka dhan arrimaha xuquuqal iinsaanka.
Halka ay sanadkii hore ka ahayd boqol iyo dhawr cabasho, iyadoo dhamaanba cabashooyinkaasi uu komishanku kaga hawl galay sida baadhis.
Sidaasina waxaa sheegay agaasimaha guud ee komishanka xuquuqal iinsaanka qaranka Somaliland Cabdi-samad Sacad, oo maanta khudbad uu ka jeediyay munaasibad ay komishanka xuquuqal iinsaanka qaranku ku soo bandhigayeen war-bixin sanadeedkoodii sanadkii tegay ee 2020-ka.
