Somaliland waxay dunida siinaysaa Siminaar beesha caalamka wax lagu barayo
Sydney (Dawan)- Warbixin lagu daabacay Warbaahinta caalamiga ah ee Eventbrite, ayaa lagu sheegay in Jamhuuriyadda Somaliland ay tusaale ugu noqotay caalamka oo dhan horumarka iyo nabadda ku dhisan isku tashiga bulshada, taas oo aanay beesha caalamku wax gargaar ah ka geysan hirgelinteeda.
Warbixintu waxay sheegtay in horumarka iyo nabadda ka hanoqaaday Somaliland ay shaki-gelinayso wax ku oolnimada gargaarka caalamiga ah ee ku saabsan horumarinta nabadda. taas oo ah tusaale iyo siminaar ay Somaliland dunida ku barayso in kaalmada horumarineed ee caalamiga ahi aanay ahayn sida loo malaynayo, isla markaana ay kaalin yar uun ku leedahay rajada nabadda iyo horumarka.
Cilmi-baadhis ay diyaarisay Dr. Sarah Phillips oo madax ka ah Jaamacadda Sydney, isla markaana dawladda dalkaasi u qaabilsan xidhiidhka xidhiidhka caalamiga ah. ayaa qoraalkeeda ku bilawday “Horumarka nabadeed ee Somaliland waxa uu shaki gelinayaa wax ku oolnimada gargaarka caalamiga ah ee horumarinta nabadda adduunka oo dhan, waxaa jira tusaalooyin arrintaasi ka marag-kacaya.
Somaliland waxay tusaale u noqotay nabadda caalamka. Somaliland waxay dunida siinasyaa Siminaar kaas oo beesha caalamka lagu bari doono in kaalmada horumarineed ee caalamiga ahi aanay ahayn sida aynu u malaynayno, isla markaana ay aad u yartahay kaalinta ay ku leedahay rajada nabadda iyo horumarka.
Marka aanu jirin wax gargaar ah, waa natiijada shaqo-barasho ballaaran.
Dr. Phillips ayaa ku soo qaatay cilmi-baadhistiisan cajiibka ah oo ay ku wehelinayeen dad suugaanyahanno ah iyo aqoonyahanno, si ay u soo saaraan xisaab-celin ku taxaluuqda waddada nabadda ee Somaliland. Cilmibaadhistan oo si cad loogu soo bandhigay dhagaystayaal iyo ardayda barata tacliinta, waxa kale oo lagu diyaariyay buug, kaas oo ku salaysan aragti, buugaasi oo leh liis tixraac oo dhammaystiran. Waxaana ciwaan looga dhigay Marka aanu jirin gargaar waa mid firfircoon oo leh karti.
Gunaanadka kooban ee buugga, oo cinwaankiisu yahay ‘sababta ay mucaawinadu wax uga yar tahay sidaan u malaynayno’, waxay u muujineysaa milicsiga geesinimada leh xirfadleyda horumarka iyo aqoonyahannada … Buugga noocan oo kale ah ayaa laga yaabaa inuu ku dhufto codka sare ee murugsan. Ma aha, taasina waxay ku xiran tahay qaabkeeda taxaddar leh oo la safeeyey iyo sidoo kale munaasabadaha uu qoraagu naftiisa gelinayo sheekada. Phillips waxay u soo baxdaa sidii wax la yaab leh, ixtiraam leh oo is -hoosaysiiya, iyada oo uga mahadcelineysa wada -hawlgalayaasha sida wanaagsan ee ay uga jawaabeen su’aalaha deeqsinimada leh ee cilmi -baarayaasha kale horay u weydiiyeen.
Gordon Peake oo ah khabiir ka hawl-gakla xarunta siyaasadda horumarinta dalkaas ayaa isaguna arrintan ka hadlay, waxaanu yidhi “Marka aanay jirin Gargaar waa arrin xiiso leh oo ku kalifaysa horumarka siyaasadeed ee Somaliland iyo kartideeda cajiibka ah ee ay ku ilaalin karto nabad -gelyada iyada oo xoogga la saarayo halista meel walba ka jirta ee ku soo noqoshada dagaalka iyo awoodda aad u xaddidan ee hay’adaha dawladda si looga hortago taas.”