Hargeys-(Dawan):-Maayar ku xigeenkii hore ee Caasimada Hargeysa Cabdicasiis Maxamed Xaashi ayaa soo dhaweeyey xilka Madaxweynaha Jamhuuriyadda Somaliland u magaacabay ee Guddoomiye Ku-xigeenka Guddida Qandaraasyada Qaranka.
Cabdicasiis Maxamed Xaashi ayaa sheegay in aanu xilkan raadsan balse uu u gartay Madaxweynuhu ka dib markii uu ku qancay aqoontiisa, Kartidiisa iyo Waaya-aragnimadiisa, waxaanu yidhi “Madaxweynaha Somaliland ayaa xilkan ii igmaday aniga oo aan raadsan , waxaanu ii gartay in aan xilkan qaadi karo, waanan ku hambalyeynayaa Madaxweynaha waanu ku mahadsan yahay, xilkan iyo mid ka sareeyana waan kasoo bixi doona mudane madaxweyne”
Guddoomiye Ku-xigeenka Guddida Qandaraasyada Qaranka Jamhuuriyadda Somaliland. ayaa sheegay in madaxweynuhu uu yahay nin abaal guda, waxaanu ku ammaanay horumarka uu qaranka gaadhsiiyey.