NATO ayaa isku dayaysa inay doorato hogaamiye cusub, maadaama uu xilka xoghayaha guud ee hadda Jens Stoltenberg uu ku egyahay dhamaadka sanadkan. Si kastaba ha ahaatee, qaar ka mid ah wadamada xubnaha ka ah ayaa doonaya Stoltenberg inuu sii joogo, si ay u sii waarto xasiloonida xulafada reer galbeedka iyada oo uu jiro dagaalka Ruushku ku hayo Ukraine.
Stoltenberg, oo horay u soo noqday Ra’iisul wasaarihii hore ee Norway, ayaa hogaaminayay NATO muddo sagaal sano ah. Waxaa horey loo kordhiyey laba jeer oo uu xilka hayey, waxaana ugu dambeysay sanadkii hore, kadib duulaankii Moscow ee Ukraine.
Ku martigelinta xoghayaha guud ee Washington horaantii bishan, madaxweynaha Maraykanka Joe Biden ayaa amaanay rikoodhka Stoltenberg.
“Hoggaankaaga isbahaysigu wuxuu soo maray wakhti aad u muhiim ah, marka la eego la macaamilka xidhiidhka NATO ee Ukraine, waad ogtahay, waxaan u maleynayaa inaad qabatay shaqo cajiib ah,” Biden ayaa yidhi June 13.
Muddada Stoltenberg waxay ku egtahay Sebtembar. Dhaqan ahaan, xoghayaha guud waa reer Yurub, laakiin xulafada NATO waxay u muuqdaan kuwo aan go’aansanin cidda ku guulaysata xilka 64-jirkan, ayuu yidhi Joel Hickman, oo ah falanqeeye ka tirsan Xarunta Falanqaynta Siyaasadda Yurub, oo fadhigeedu yahay Washington.
“Waxay u baahan yihiin inay awood u yeeshaan inay dhex maraan dano qaran oo badan oo kala duwan oo aad ka hesho NATO, waxaad helaysaa isbahaysi ka kooban 30 dal.
“Waxay sidoo kale noqon doonaan inay awood u yeeshaan inay taageero ka helaan dadyowga ku nool dalalkaas xulafada ah, gaar ahaan dhalinyarada. Codbixintii sannadihii la soo dhaafay ayaa lagu ogaaday in dhallinyarada reer Galbeedka ay la halgamayaan sidii ay u fahmi lahaayeen ujeedada ama ku habboonaanta NATO,” ayuu Hickman u sheegay VOA.
Ra’iisul wasaaraha Denmark Mette Frederiksen ayaa loo arkaa mid safka hore kaga jirta. Booqasho ay dhawaan ku tagtay Washington, waxay muujisay taageerada waddankeeda ee Kyiv.
“Dabcan, waanu ka sii socon doonaa aragtidayada Denmark, taageeradayada xooggan, ee xoogga leh ee aan siino Ukraine,” ayay tidhi.
Raiisel wasaaraha Spain Pedro Sanchez iyo Xoghayaha Difaaca Ingiriiska Ben Wallace ayaa sidoo kale loo arkaa inay ku loolamayaan. Si kastaba ha ahaatee, Wallace ayaa sheegay todobaadkan in aanu rumaysnayn inuu u sharaxan yahay jagada ugu sareysa.
Hickman waxa uu sheegay in duulaanka Ruushka ee Ukraine uu si lama filaan ah u maamuli doono fikirka NATO ee dooranaya qofka bedeli doona Stoltenberg.
“Waxaa muhiim ah in xoghayaha guud ee NATO uu leeyahay taageerada laba cod oo kala ah taageerada arrimaha ay ku aasaasan tahay NATO oo cad oo ku saabsan dagaalka Ukraine iyo inuu sii wadi karo inuu ilaaliyo midnimada isbahaysiga ee Ukraine. Laakiin sidoo kale in ay kalsooni ku qabaan marka ay timaaddo bartilmaameedka kharash-garaynta NATO ee 2% [GDP],” ayuu yidhi.
NATO ayaa lagu wadaa in 11-ka iyo 12-ka July uu shir-madaxeedkeeda ku qabto magaalada Vilnius ee dalka Lithuania.
Qaar ka mid ah xulafada ayaa doonaya Stoltenberg inuu mar kale kordhiyo muddada, inkasta oo aanu muujin inuu diyaar u yahay inuu sidaas sameeyo.
Hadda waxaan u maleynayaa inay hubanti la’aan badan ka jirto Ukraine. Waxa kale oo jira hubanti la’aan badan oo ku saabsan siyaasadda Maraykanka iyo cidda laga yaabo in aan haysanno madaxweyne sanadka soo socda – sida iska cad waxaan maqalnay jagooyin kala duwan oo ka mid ah musharaxiinta Jamhuuriga. Waxaanan filayaa marka la eego dhammaan hubaal la’aantaas, tiro badan oo xulafo ah ayaa raadinaya xasilloonidaas,” ayuu yidhi Hickman.