Hargaysa (Dawan) Magaaladda Hargaysa waxaa lagu qabtay madal ay soo agaasimeen guddida arrimaha bulshada golaha wakiilada Somaliland,kaasi oo lagu naaqishayay Xeerka hawl-gabka iyo xaq-siinta Shaqaalaha Dawladda.
Guddida Arrimaha bulshada ee golaha wakiilada Jamhuuriyadda Somaliland ayaa Kulan Is barasho iyo is xog-wareysi ku
saabsan naaqishada Xeerka Hawl-gabka iyo Xaq-siinta Shaqaalaha Dawlada ku Qabatay Hotel Casood.
Kulankan oo hogaaminayey Gudoomiyaha Hay’adda Shaqalaha Dawlada Mudane khalid Jaamac Qodax ayaa ka warbixiyey ahmiyada uu Xeerku u leeyahay dhammaan shaqaalaha dawlada khaasatan shaqaalah Hawl-gabka noqday, sidoo kale Agaasimaha Hay’adda shaqalaha ayaa soo jeediyey hadalo Faahfaahsan oo khuseeya Mabaadida xeerka Hawl-gabka iyo Xaq-siinta shaqalaha dawlada.
Dhanka kale guddida arrimaha bulshada oo Hogaaminayo gudoomiyaha Guddida Mudane Ahmed-khaliif Jamac Saalax iyo gudoomiye ku xigeenka Axmed Cabdi Ducaale Walhad ayaa Su’aalo khuseeya Xeerka Hawl-gabka iyo Xaq-siinta Shaqalaha Dawlada weydiiyey gudoomiyaha Hay’adda shaqalaha iyo masuuliyiinta kale Hay’adda shaqaalaha Dawladda.
Gabogabadii waxa laysla qaatay in si qoto dheer looga shaqeeyo Xeerkan oo ah mid waxtar u leh dhammaan Shaqalaha dawlada JSL isla markaana lasii wado wada shaqeynta ka dhaxeysa labada dhinac
Kulankan waxa Hay’adda Shaqaalaha dawladda uga soo qayb galay xubno badan oo kala ah
1- Khalid Jama Qodax
2- khalid mirre
3- Roble Mahamed
4- Suleiman Maygag
5- Abdirahman Ali Hirsi
6-Abdisalam
Guddida arrimaha bulshada golaha wakiilada Somaliland iyo Hay’adda shaqaalaha Dawladda ayaa ka wada shaqaynaya Xeerka hawl-gabka iyo xaq-siinta shaqaalaha Dawladda