Qore: Cabdiwahaab Daahir Xasan
Hargaysa (Dawan)Wasiirka Wasaaradda Horumarinta Khayraadka Biyaha Mudane Abubakar Cabdiraxmaan Good ayaa kulan muhiim ah la qaatay mas’uuliyiinta Hay’addaha Wasaaradda kala shaqeeya Mashaariicda biyaha,
Kulanka ayaa sidoo kale waxaa ku wehlinayay Wasiirka Agaasimaha Guud ee Wasaaradda Marwo Nafisa Maxamuud Shirwac iyo Lataliyaha Wasiirka ee Dhinaca Hay’adaha.
Kulankaas waxaa lagaga hadlay sidii loo dardar-gelin lahaa mashaariicda biyaha ee ay fulintooda iska kaashanayaan Wasaaradda Biyaha iyo Hay’addaha Wasaaradda kala shaqeeya Biayaha.
Waxaa si gaar ah looga wadahadlay sidii Dabagal loogu Samayn lahaa Mashaariicda dhamaatay,
Iyadoo sidoo kale la iftiimiyay sidii loo bilaabi lahaa mashaariicda kale ee biyaha ee qorshaysnaa kuwaasoo u baahan in la sameeyo qorsheyaal wax ku ool ah,iyoo Kormeer Buuxa Lagu Sameeyo mashaariicda socota.
Wasiirka ayaa kulanka ku bogaadiyay wada shaqaynta dhow ee ay Hay’adduhu la leeleeyihiin Wasaaradda Horumarinta Khayraadka Biyaha, isagoo muujiyay sida ay muhiim u tahay in la joogteeyo iskaashigan si loo gaadho hadafyada lagu horumarinayo adeegyada biyaha ee bulshada.