Qore Khadar M. Dhako
Hargeysa( Dawan) Ganacsade Ibraahim Maxamuud Guraase oo ka mida gaanacsatada Somaliland ayaa sheegay in uu ku boogaadinayo Madaxweynaha Somaliland Cabdiraxmaan Maxamed Cabdilaahi Cirro sida uu qaranka ugu shaqaynayo.
Ibraahim Maxamuud Guraase oo u waramayay warbaahinta qaranka ayaa waxa uu intaasi ku daray in wax la aqbali karo aanay ahayn in mooshin laga keeno Maayarka Caasimadda Hargeysa Cabdikariim Axmed Mooge, isla markaana loo baahanyahay in lala shaqeeyo oo lays garab taago.
Ibraahim Guraase oo arimahaasi ka hadlayayna waxa uu yidhi “Maayarka in duco loogu daro mooyaane oo lays garabtaago mooyee in la yidhaahdo mooshin ayaa laga keenayaa waa mamnuuc. shacabka Somaliland hadaanu nahay ma ogolaan karno. waxa aad ogtihiin Iskuuladii sida uu ka dhigay waxa aan leeyahay halala shaqeeyo oo halays garab taago”.
Sidoo kale Ibraahim Guraase ayaa waxa uu tilmaamay in Somaliland ay guulaysan doonto. Waxaana uu yidhi “Waxa aan aad iyo aad u boogaadinayaa Madaxweynaha Somaliland Cabdiraxmaan Maxamed Cabdilaahi Cirro oo qaranka u shaqaynaya, idaacad kasta afka ay doonto ha ku hadashee Somaliland ayuum bay hadal haysaa. shacabka Somaliland ma guul daraysanayaan in ay guulaystaan mooye. Madaxweynuhu wuu karaamaysan yahay khayr badana waan ku ogahay.”
