Burco (Dawan) Wefti ka socda xukumada somaliland ee ku sugnaa magaalada burco ayaa kulan la qaatay maamulka togdheer,ka degmada burco,madax-dhameedka iyo waxgaradka gobolka.
Kulanka ayaa la iskaga xog-waraysanyey xaalada guud ee gobolka togdheer iyo sidii la isga kaashan lahaa baahiyaha guud ee gobolka ka jira.
Gudoomiyaha gobolka togdheer maxmuud cali saleebaan ramaax iyo maayir degmada burco maxamed xirsi ayaa ugu horeynba ka waramay mashaariicda kala duwan ee ka socda degmada burco iyo guud ahaanba gobolka togdheer iyo baahiyaadka kala ee ka jira sida abaarta iyo biyo yaraanta.
Qaar ka mid ah madaxdhameedka iyo waxgaradkii kulanka goob jooga ka ahaa ayaa si qoto-dheer uga warbixiyey wax-yaabaha ay tebayso magaalda burco iyo baahiyaha jira ee u baahan in wax laga qabtay.
Wasiiradii iyo wasiir ku xigeenadii kulanka la qaatay cuqaasha iyo wax-garadka gobolka togdheer ayaa tilmaanay inay xukumadu diyaar u tahay wax-ka qabashada qorshayaasha horumarineed ee ay ka leedahay gobolka togdheer,bulshada gobolka togdheerna kula dar-daarmay inay ka shaqeeyaan amniga iyo wada jira gobolka togdheer.
Geesta kale waftiga ka socoday xukumada ayaa kulan la qaatay Isuduwayaasha laamaha dowlada ee gobolka togdheer waxaana kulankaasi diirada lagu saaray dar-dar gelinta howlaha shaqo ee ay gacanta ku hayaa wasaaradaha iyo haayada kala duwan ka howl gala gobolka togdheer.
Qaar ka mid ah isuduwayaasha ka qayb galay kulanka ayaa ka warbixiyey habsami socodka howlaha shaqo ee ay qaranka u hayaan iyo sida loogu baahanyahay in la kobciyo adeegyada ay bulshada u qabtaan.
Gudoomiyaha gobolka togdheer ayaa ka marag kacay shaqada baaxada leh ee ay wasaaraduhu gobolku u hayaan qaranka,waftigana u soo jeediyey in loo dhamaystiro wax-yaabaha ka dhiman.
Gaga-gabadii waxa halkaasi ka hadlay wasiiradii kulanka la qaatay isuduwayaasha oo ku dheeraaday sida ay uga go’antahay xukumada cusub tayaynta iyo kor u qaadida wasaarahaha iyo haayadaha kale duwan ee ka howl gala gobolka togdheer iyaga carabka ku dhuftay in hal-gundhiga xukumadu yahay wada jir iyo wax-qabad dadkuna ay tahay inay rajo badan oo wanaagsan ka filaan.