Markii uu si buuxda uga soo kabto dhaawaciisa, goolhayaha reer Jarmal Marc-André ter Stegen ayaa la filayaa inuu la yeesho madaxda Barcelona kulan go’aaminaya mustaqbalkiisa, sida uu sheegay wargeyska AS. Warbixintu waxay tilmaamaysaa in Ter Stegen aannu si fudud u aqbali doonin inuu noqdo goolhaye labaad, arrin ay kooxda doonayso in la cadeeyo ka hor inta aan la gaarin dhammaadka bisha. Inkasta oo ay jiraan shaki badan oo ku saabsan doorkiisa mustaqbalka, bixitaankiisu ma fududa — mushaharkiisa sare iyo tirada yar ee kooxaha awoodi kara inay bixiyaan ayaa caqabad ku ah.
Dhanka kale, Barcelona ayaa sii wadata qorshayaal ay ku hagaajinayso miisaaniyadda kooxda iyo mushaharka guud, iyada oo raadinaysa xal lagu dheellitiri karo kooxda xilli ciyaareedkan.
