Newcastle United ayaa sahamineysa inay Elliot Anderson dib ugu soo celiso kooxda, madaxa Bayern Munich ayaa sheegay in aanu jirin wax lagu burburin karo qandaraaska Michael Olise, dhanka kalana Harry Maguire ayaan weli Manchester United u soo bandhigin wax heshiis cusub.
Newcastle United ayaa sahmisay suurtogalnimada ay dib ugu soo celin karto ciyaaryahanka khadka dhexe ee England Elliot Anderson, oo 22 jir ah, ka dib markii ay ka iibiyeen Nottingham Forest sanadkii 2024 kii.
Agaasimaha ciyaaraha ee Bayern Munich Max Eberl ayaa sheegay in 23 jirka garabka uga ciyaara France Michael Olise, kaasoo lala xidhiidhinayo kooxo badan, aanay jirin wax lagu burburin karo qandaraaskiisa, kaasoo soconaya ilaa June 2029. Waxaa sidaas qoray (Talksport).
Manchester United ayaa weli xiiseyneysa 24 jirka qadka dhexe ee daafaca Jarmalka Angelo Stiller, laakiin qiimaha Stuttgart ee 24 jirkaan ayaa la filayaa inuu ka badan yahay € 50m (£ 43.5m). (Sky Sports Germany), ayaa sidaas qortay.
Ciyaaryahanka khadka dhexe ee Atletico Madrid Conor Gallagher ayaa sidoo kale bartilmaameed u ah Manchester United, kuwaas oo u arka 25-sano jirkaan bedelka suurtagalka ah ee xiddiga kale ee England Kobbie Mainoo, oo 20. jir ah (Insider Football), ayaa sidaas qortay.
Daafaca dhexe ee England Harry Maguire ayaa laga yaabaa inuu si bilaash ah uga tago Manchester United marka uu qandaraaskiisu dhaco xagaaga soo aadan, iyadoo kooxda Old Trafford aanay weli u soo bandhigin 32 jirkaan heshiis cusub.
Aston Villa iyo Newcastle United ayaa ka mid ah kooxaha doonaya 21-jirka FC Porto iyo xulka Spain Samuel Omorodion, kaasoo horay ugu dhawaaday inuu ku biiro Chelsea, isla markaana wadahadalo la yeeshay Nottingham Forest.
Daafaca reer England Fikayo Tomori ayaa wadahadalo heshiis kordhin ah kula jira AC Milan, 27 jirkaan ayaa sheegay in aanu dooneynin inuu ka tago kooxda Serie A.
Weeraryahanka Faransiiska Jean-Philippe Mateta, oo 28 jir ah, ayaa loo maleynayaa inuu doonayo inuu ka tago Crystal Palace, iyadoo Manchester United, Newcastle United iyo Tottenham ay macquul tahay inuu tago.
West Ham ayaa isha ku heysa 24 jirka weerarka uga ciyaara Netherlands Joshua Zirkzee waxaana laga yaabaa inay isku dayaan inay amaah ugala soo wareegaan Manchester United bisha Janaayo.
Borussia Dortmund ayaa laga yaabaa inay amaah ku dirto 20 jirka khadka dhexe ee Ingariiska Jobe Bellingham, kaasoo ay kala soo wareegeen Sunderland xagaagii hore.
Ciyaaryahanka khadka dhexe ee Ingariiska Samuel Alker, oo 16 jir ah, ayaan weli aqbalin inuu heshiis xirfadle ah u saxiixo Leeds United marka uu 17 jirsado bisha Maarso, waxaana xiiseynaya Borussia Dortmund iyo Bayer Leverkusen.
