goolal ay kala dhaliyeen Mohamed Salah dhamaadkii qeybta hore iyo Ryan Gravenberch bilowgii qeybta labaad u xaqiijisay saddexda dhibcood ee aadka loogu baahida qabay. Liverpool ayaa muddo ka badan afar kulan Premier League ah aan guul dhadhamin, taas oo keentay cadaadis xooggan oo ka dhashay hoos u dhac buuxa, ka hadhista Carabao Cup-ka, iyo hadal-hayn ku saabsan mustaqbalka tababare Slot. Guushaan ayaa cadaadiska qaar yareyn doonta, laakiin Liverpool weli waxay la kulmi doontaa imtixaano adag, gaar ahaan kulamada Real Madrid iyo Manchester City oo ay ciyaarayaan todobaad gudihiis. Gerrard oo ka hadlay TNT Sports ayaa yidhi: “Wuxuu si wanaagsan u maareeyay todobaadyadii adkaa ee lasoo dhaafay. Wuu degganaa, inkastoo cadaadis aad u weyn uu saarnaa isaga iyo ciyaartoydiisaba. Laakiin taas ayaa ah waxa laga filayo kooxda Liverpool, gaar ahaan kooxda ku soo guuleysatay horyaalka.”
“Ma jiro wakhti la nasanayo. Waa inaad ku socotaa abaalmarinta xigta. Guushaan waa mid weyn oo qiimo leh, wuu u qalmaa ammaanta, laakiin jadwalku waa mid adag.” Gerrard ayaa sidoo kale carrabka ku adkeeyay in haddii Liverpool aannay natiijo wanaagsan ka keenin kulanka Real Madrid ee Champions League-ga Talaadada, cadaadiska uu mar kale si xoogan u soo laaban doono. “Laba maalmood gudahood, cadaadisku wuu soo noqonayaa. Waxaa laga filayaa Slot inuu ka adkaado Real Madrid.” Ayuu yidhi kabtankii hore ee kooxda Liverpool Steven Gerrard
