Macmiilka Mar Kasta Waa Saxan yahay
Nin ganacsade ah ayaa wiilkiisa barayay habka ganacsi iyo sida macmiilka loo raali geliyo . Waxaana uu ku yidhi: “ Aabo ogow, Macmiilku mar walba isagaa sax ah.”
Casharkaasi ayuu wiilku ku shaqayn jiray, isagoo aad u raaligeliya macmiilka. Maalin dambe ayay laba macmiil aad isu khilaafeen oo murmeen, wiilkiina waxa uu garan waayay ka uu taageero labadooda.
Wiilka ayaa aabihii ku yidhi :“Aabbo, laba macmiil marka ay isku khilaafaan hortaada, kee sax ah ee aad taageraysa?”
Aabbihii oo ah waayo arag ayaa qoslay oo yidhi:
“ Adigu kolba Kan lacagta bixiya ayaad taageraysa!” Waa inaad ogaato, Maamulka ganacsigu wuxuu u baahan yahay miisaan iyo xeelad, ma aha odhaah kaliya. Macmiilka waxa keliya ee lagu tixgeliyaa waa inuu dakhli soo geliyo ganacsiga.
