Israa’iil ayaa weerarro cusub ku qaadday kaabayaasha dhaqaalaha ee dalka Iiraan, sida ay sheegeen militariga dalkaas Axaddii.
Goobaha lagu keydiyo saliidda oo la bartilmaameedsaday: Israa’iil ayaa bilowday inay duqeyso goobaha lagu keydiyo saliidda ee Iraan iyada oo qayb ka ah wejiga cusub ee dagaalka, sida ay sheegeen ilo Israa’iili ah. Kooxda CNN ee Tehran ayaa soo warisay in qiiq madow uu ka kacay ka dib markii la duqeeyay goobaha lagu keydiyo shidaalka. Ciidamada Difaaca Israa’iil ayaa sidoo kale sheegay inay duqeeyeen tiro aan la cayimin oo ka mid ah diyaaradaha dagaalka ee F-14 ee Iiraan.
Dowladaha Khaliijka ayaa iska caabiyay weerarrada: Dalalka ku yaal Gacanka Faaris ayaa soo sheegay mowjad cusub oo ah duqeymo diyaaradeed iyo gantaallo ah. Kuwait, waxaa lagu weeraray dhisme dowladeed, iyo sidoo kale bakhaarro shidaal oo ku yaal garoonka diyaaradaha caalamiga ah. Imaaraadka Carabta ayaa sheegay in difaaca cirka uu “hadda ka jawaabayo hanjabaad gantaal.”
Garoonka diyaaradaha ee ugu weyn Israa’iil ayaa dib u bilaabay duulimaadyadii: Qiyaastii 2,000 oo qof oo safar ah ayaa lagu wadaa inay ka baxaan 40 duulimaad oo loo qorsheeyay Ben Gurion, waana duulimaadyadii ugu horreeyay ee ka baxa garoonka diyaaradaha tan iyo markii dagaalku bilaabmay.
Trump oo iska fogeeyay hanjabaado loo jeediyey. Donald Trump ayaa yidhi “Dan kama lihi hadalkooda” . Ali Larijani oo u dhashay Iiraan ayaa wacad ku maray inuu ka aargudan doono madaxweynaha, isaga oo sheegay in Iiraan “aaanay ka hadhi doonin Trump,” isla markaana “uu qiimo badan ku tegi doono dagaalka uu soo qaaday.”
Hogaamiyeyaasha shisheeye ayaa ka jawaabaya saamaynta dagaalka: Amiirka Qatar Sheikh Tamim bin Hamad Al-Thani ayaa uu la yeeshay Trump ku sheegay in sii socoshada dagaalka ay yeelan karto “saameyn khatar ah” oo adduunka ah. Wasiirka arrimaha dibadda ee Shiinaha Wang Yi ayaa ku celiyay baaqii Beijing ee ahaa in xabad joojin degdeg ah la sameeyo wuxuuna ka digay “faafitaanka ololka dagaalka.”