Kooxda Arsenal ayaa dhigtay laba rikoodh oo cusub kadib guushii 1-0 ahayd ee ay ka gaadhay Newcastle United kulankii Premier League-ga ee ka dhacay Emirates Stadium.
Goolka qura ee ciyaarta oo uu saxiixay Eberechi Eze ayaa ka caawiyay kooxda Mikel Arteta inay la wareegto hoggaanka horyaalka, iyagoo hadda 3 dhibcood ka sarreeya Manchester City, inkastoo City ay u dhiman tahay hal kulan oo baaqi ah.
Kooxda Pep Guardiola ayaan ciyaarin Premier League toddobaadkan maaddaama ay ku mashquulsanaayeen semi-finalka FA Cup-ka oo ay kaga adkaadeen Southampton.
Sida ay werisay shabakadda xogta ee OptaJoe, goolkii Eze ayaa ka dhigay in Arsenal ay hadda haysato laba rikoodh oo dhanka kubadaha geesaha hal xilli-ciyaareed gudihii;
Goolasha ugu badan ee laga dhaliyo kubadaha geesaha: Waxay xilli-ciyaareedkan kubadaha istaagga(set pieces) ku dhaliyeen 17 gool.
Goolasha ka imaada kubadaha istaagga ee looga hormaro kooxaha kale (1-0): Waxay kubadaha noicaad ku dhaliyeen goolka koowaad ee ciyaarta 10 jeer.
Arsenal ayaa hadda diiradda u wareejin doonta tartanka Champions League, halkaas oo ay habeenka Arbacada ah wajihi doonaan kooxda Atletico Madrid wareegga semi-finalka ee tartanka.