Dulin cuna oo quuta xayawaanka dhiigga diirran ayaa markii ugu horreysay laga helay dalka Maraykanka tan iyo 1966.
Waaxda Beeraha ee Maraykanka (USDA) ayaa sheegtay in xayawaankan oo loo bixiyey duufaanta New World Screwworm (NWS) uu ku sii fideyay dalka Mexico sannadkii la soo dhaafay, hadda laga helay meel ka mid ah Maraykan oo gobolka Texas ah.
NWS ama screwworm, waa dirixi u ee Gooryaanka oo cuna hilibka. Dadaallo lagu doonayo in lagu joojiyo imaatinka cudurka screwworm ee Maraykanka ayaa socday tan iyo markii kiisasku ay ka soo bateen Badhtamaha Ameerika iyo Mexico.
Kiiska waxaa laga xaqiijiyay magaalada La Pryor, Texas, oo qiyaastii 30 mayl (48km) u jirta xadka koonfureed ee Maraykanka iyo Mexico. Dadka xoolo dhaqatada ah ee Maraykanka ayaa ka baqayay in cudurku uu yareeyo xoolaha, ama uu yareeyo wax soo saarka hilibka lo’da, isla markaana uu qiimaha sare u qaado macaamiisha.
Gooryaankan qalloocan waxa keena duqsiyo dulin ah oo dheddiggoodu ugxanta ama ukunta ku ridaan nabaro furan iyo meelaha kale ee xayawaanka. Marka ukuntu dillaacdo, boqolaal dirxi ah ayaa dhex mara hilibka nool iyaga oo afkooda fiiqan leh, ugu dambeyntiina waxay dilaan neefka ay martida u yihiin haddii aan la daaweyn.
NWS sidoo kale waxay ku dhici kartaa dadka xayawaanka la nool, laakiin khatarta uu ku keeyahay aadanaha waa mid hooseysa, kiisaska cudurka screwworm-ka ee aadanahana waa dhif. Duqsigu ma keeno wax dhibaato ah oo ku saabsan badbaadada cuntada.
Kiiskan ugu horreeyay muddo 60 sano ah ayaa laga helay weyl saddex toddobaad jir ah, iyada oo dirxiga laga helay xudduntiisa.
Dhaqdhaqaaqa xayawaanka uu ku dhacay ayaa ah habka ugu badan ee ay ku faafaan, sidaa darteed hay’adaha USDA iyo Texas waxay dejinayaan aag lagu ogaanayo laguna karantiilayo 20km (12.4 mayl).