Laacibka khadka dhexe ee weerarka xulka Faransiiska, Michael Olise, ayaa Sabtidii jabiyay rikoodhkii halyeeygii kubadda cagta Brazil Pelé ee caawinta ugu badan hal tartan oo Koobka Adduunka ah. Olise ayaa rikoodhkan dhigay kadib markii uu bixiyay laba caawin kulankii kaalinta saddexaad ee Koobka Adduunka, kaasoo Faransiiska lagaga adkaaday England 6-4.
Labadaas caawimood ayaa ka dhigtay xiddiga Bayern Munich inuu gaadho 7 caawimood intii uu socday Koobka Adduunka 2026, isagoo sidaas ku jebiyay rikoodhkii Pelé, oo bixiyay 6 caawimood Koobkii Adduunka ee 1970 lagu qabtay dalka Mexico.
Waxa kale oo xusid mudan in 5 ka mid ah 7-da caawimood ee Olise uu siiyay saaxiibkiisa xulka Faransiiska Kylian Mbappé, taasoo noqotay rikoodhka caawinta ugu badan ee hal ciyaaryahan uu siiyo hal ciyaaryahan kale hal koob oo adduun ah. Inkastoo uu sameeyay rikoodhkan cajiibka ah, Michael Olise muu dhalin wax gool ah intii uu socday Koobka Adduunka 2026
