Waxa u suurta gashay ciidaanka amaanka ee Urdun inay helaan isla markaana ay xidhaan nin u dhashay dalkaasi oo caado ka dhigtay in hablaha uu sawiradooda helo baad kaga qaado Internetka.
Ka dib markii ay ciidmada booliisku ee u tababaran heliddda denbiyada iyo hanjabaadaha ka dhaca interntka ay soo qabteen. Ninkan ayay ka soo ashkatoodeen hablo dhawr ah oo aan is ogayn.
Ninkan ayaa hablaha u sheegi jiray isagoo xidhiidh kala samaynaya aalada interntka inuu yahay Injiner haysta shirkad weyn isla markaana uu yahay guurdoon. Waxaana uu marka danbe ka codsan jiray inay sawirkeed u soo dirto.
Fal geystahan ayaa marka uu helo gabadha sawirkeed bilaabi jiray hanjabaad iyo inuu dhaleecayn iyo ceeb ku samanayo sawirkeeda haddii aanay bixin lacagta uu codsanayo.
Sarkaal u hadlay ciidanka Urudn ee qaabilsan baadhista iyo daba galka denbiyada Technolgiyada casriga ayaa cadeeyay inay mar danbe xaqiijiyeen goobta uu kala hadlayo gabadh ay iyagu u direen oo isaga dhigaty mid siinaysa baada uu rabo, sidaasi ayay ku soo qabteen. Waxaana afhyeenku sheegay inuu ninkani ahaa mid aan xaas lahayn , shaqo aan hayn ,isla markaana waxbarashada kaga tegay dugsi dhexe oo aan aqoon intaasi ka badan lahayn.
