Madaxweynaha Nayjeeriya ayaa lagu tiriyay inuu ka mid yahay tobanka qof ee ugu maalqabeensan Afrika.
Madaxweyne Goodluck Jonathan oo ay arrintaasi ka cadhaysiisay ayaa ku hanjabay in uu dacwad la tiigsan doono website la sheegay inuu isagu ku daray liistada tobanka hoggaamiye ee ugu qanisan Afrika inuu ka mid yahay.
Website-ka richestlifestyle.com ayaa ku tiriyay inuu kaga jiro liistadaasi Mr Jonathan lambarka lixaad, isaga oo ku dooday inay tahay hantidiisa saafiga ahi $100m (£62m).
Haseyeeshee hadal ka soo yeedhay madaxtooyada ayaa ku tilmaamay ku darista liistadaasi in ay thahy mid aan sal lahayn, ayna tahay mid loola jeedo in lagu sunto musuq.
Shabakadda ayaa wixii markaa ka danbeeyay magaca Mr Jonathon ka saaray liistada.
Mr Jonathan ayaa lagu sheegay inuu kaalinta lixaad la wadaago Mswati III dalka Swaziland.
Madaxweyne Jonathan ayaa hore loogu dhaliilayay in aanu si cad ugu dhawaaqin hantidiisa.