Taliye sare oo ka tirsanaa ururka Daalibaan ayaa la sheegayaa in la sii daayay.
Sarkaalkaasi oo ah Latif Mehsud ayaa lagu tilmaamaa in uu aad ugu dhowyahay hoggaamiyihii hore ee ururka Daalibaan, Hakimullah Mehsud.
Ciidammada Nato ayaa waxa ay sanadkii hore ku qabteen bariga dalka Afkhanistan, oo u dhow soohdinta Pakistan, markaa wixi ka dambeeyeyna ciidammada Mareykanka ayaa ku hayay saldhiga Bagram.
Ilaa iyo hadda lama shaacin sababta loo sii daayay, balse khubarada ayaa sheegaya in tallaabadan ay tahay mid aan caadi aheyn, waxa ayna u dhowdahay in ay anisixiyeen maamulka Afghanistan.
Waxa ayna taa calaamad wanaagsan u noqon kartaa baal cusub oo u furma xidhiidhka dalalka Pakistan iyo Afghanistan, tan iyo markii uu madaxweynaha cusub, Ashraf Ghani, uu booqday magaalada Islamabad bishii la soo dhaafay.
Iyada oo ay Nato ay soo gabagabeeyneyso howlgalkii ay ka waday dalka Afghanistan, ayaa waxa muhiim ah in dalka ay dariska yihiin ay ka wada shaqeeyaan arrimaha ammaanka iyo in wadahadalo nabadeed ay la yeeshaan Talibaan.
