Booliiska Hong Kong ayaa ka codsaday dadweynaha in ay iska sooceliyaan malaayiin doolar oo la qaatay kadib markii uu jid muhiim ah ku burburay gaadhi siday HK$525m ($68m; £44m).
Ilaa HK$35m ($4.5m; £3m) lacag noodh ah oo qaddarkeedu yahay ilaa shan milyan ayaa lagaga tegay jidka oo firidhsanayd kadib markii uu shilku dhacay.
Goob joogayaasha ayaa sheegaya in ay tobanaan dad ahi ku soo yaaceen goobtii oo ay jeebadaha ka buuxsadeen kaashkii ka hor intanay soo gaadhin booliis hubaysan oo sugay amnigii goobta.
Waxa laga gaadhay oo dib loo ururiyay ilaa HK$20m, waxaana booliisku ka digay in cidii iska soo celin wayda lacagtaasi ay mutaysan doonaan denbi aad u adag.
