Laba masaajid oo ku yaal magaalada Sanca ee dalka Yaman ayaa weerar is qarxin ahaa waxaa lagu dilay ugu yaraan 126 qof, waxaana lagu dhaawacay tiro kale oo badan.
Dadka oo ku tukanayay salaadii duhurnimada masaajidada Badr iyo al-Hashoosh ayaa afar miidaamo ahi isku qarxiyeen.
Masaajidada la weeray ayaa waxa badanaa isticmaali jirey taageeryaasha shiicada Zaidi ee ay hoggaamiyaan fallaagada Xuutiyiinta ee ka taliya Sanca.
Daacish laanteeda Yaman oo la shaaciyay Nofembar ayaa sheegatay in ay ka danbeeyeen weerarada.
Dhinaca kale Dagaal xoggaan oo ka dhacay Koonfurta Yeman ayaa xidhay Garoonka diyaaradaha caalamiga ah ee magaalada dekedda ah ee Cadan.
Wararka ayaa sheegay in dhowr madaafic ah ay ku dhaceen goroonka isla markaana dad rakaabka ah lagu amray in ay ka soo degaan diyaarad u duuli la hayd magalada Qaahira.
Magalada Cadan ayaa xarun u ah madaxweyne Cabdurabbuh Maansuur Haadi, kaaso ka baxsaday magalada casimadda ah ee Sanca, halkaasi oo u ku jiray xabsi guri kaddib markii ay halkaasi si buuxda gacanta ugu dhigtay Jabhadda Shiicada ee Xuutiyiinta.
