Hargeysa(Dawan):-Qaar ka mid ah Madax-dhaqameedka Iyo wax-garadka Beelaha Arab, ayaa shir jaraa’id oo ay shalay ku qabteen caasimadda Hargeysa, waxay ku sheegeen inay taageersan yihiin muddo kordhintii aqalka odayaashu u samayeen xukuumadda iyo Golaha Wakiiladda, ka dib markii ay doorashooyinkii la filayay inay dalka ka dhacaan 26-ka Bisha June ee fooda innagu soo haysaa ay dib u dhaceen.
Cuqaashan iyo wax-garadkaasi waxay ku baaqeen in nabad-gelyadda la ilaaliyo oo la joojiyo mudaharaadka uu ku baaqay xisbiga mucaaridka ah ee WADDANI.
Chief Caaqil Naasir Ay-jeex Jaamac Cawad oo ah Jiif caaqilka Guud ee Beelaha Caballa Abokor Iyo Sheekh Cismaan , Chief Caaqil Cabdilaahi Faarax Qaabille ,Caaqil Cabdi Muxumed Good ,Odey Sulub Cabdiraan,Chief Caaqil Maxamed Xaaashi Cabdilaahi, Caaqil Maxamed Xaashi, Axmed Ibraahim Carraalle, Caaqil Cabdicasiis Aw Daahir Biixi , Odey Cumar Ismaaciil Hayaan, Caaqil Cabdi Xaashi Maax iyo Oday Cabdi Yuusuf Geelle, waxaanay sheegeen inay ayidsan yihiin go’aanka dastuuriga ah ee ay soo saareen Golaha Guurtidda oo ay ku sifeeyeen inay yihiin mus-dambeedka Somaliland.
Chiefcaaqil Naasir Ay Jeex Jaamac oo shirkaasi jaraa’id ka hadlay “Shirkan waxa Aanu ugu tallo galnay In Aanu kaga hadalno laba Qodob oo kala ah Qodobka Ay Guurtidu Ansixiyeen Iyo Qodobka Nabad-galyadda. Waxaanu leenahay muddo kordhinta madaxweynaha loo sameeyay waa mid sunne ah oo madaxweyneyaashii ka horeeyay oo dhan loo sameeyay. Waxaan qabaa muddo kordhintani tahay mid aad yar oo farsamo keentay.”
“Haddii Aanu nahay cuqaasha dhaqanka ee degmadda Axmed Dhagax, Waanu Taagersan nahay,waxaanan leenahay go’aanka Guurtidda waanu taageersan nahay, waxaanan leenahay raga TV-yadda ka hadlaya nabad-gelyadda ilaaliya,”ayuu intaas raaciyay Jiif caaqil Naasir Ay-jeex.
Dhinca Kale Caaqil Cabdi Xaashi Maax, oo Isna halkaasi ka hadlay Mudahaaradyada sharci darrada ah ee WADDANI ku baaqay, waxaanu yidhi “Waxaan jecelahay inaan ka hadlo mudaharaadka mucaaridku ku baaqay, waxaan qabaa in dalkeenna iyo dadweynuhuba aanay u baahnayn wax mudaharaad ah.” Sidoo kale waxa isna shirkaas jaraa’id ka hadlay Cabdi Yuusuf Geelle, waxaanu yidhi “Madaxweynuhu Mucaarid wuu soo ahaa haddii uu Soo ahaana Maanta Talladii Dalka isaga ayaa gacanta ku haya si fiican ayuu u shaqeeyay, mudadii uu hayayna waxqabad la taaban karo ayuu qabtay, waxaanu leenahay carqalada ha laga daayo madaxweynuhu dadkiisa ha u adeegee.” Waxay cuqaasha iyo waxgaradka beelaha Arab shacbiga Somaliland ugu baaqeen in meel looga soo wada jeedsado wixii nabad-gelyadda iyo ammaanka dalka wax u dhimaya.
Xisbiga WADDANI Miyuu Xeerin Waayay Qaranimadii Iyo Dantii Guud
By: Cabdi M.Saleebaan (Mingiste)
Waxaan halkan cambaareyn iyo naqdi uga soo jeedinayaa Xisbiga Waddani oo iyadoo lagu jiro u diyaar garowga 18 May ,ku baaqay in ay mar kale dalka ka abaabulayaan Mudaharaad maalinta Khamiista ee 14 May 2015.
Haddaba waxaan halkan uga soo jeedinayaa Xisbiga Waddani :-
- Shacabka Somaliland gudaha iyo dibadaba,Xukuumada,Goleyaasha,waxay ku mashquulsan yihiin,u diyaar garoowga dabaal-dega maalinta Qarannimada Somaliland ee 18 May.Sidaa daraadeed,waa ayaan darro weyn in iyadoo loo dabaal degayo 18 May ay Xisbiga Mucaaridka ah ee Waddani ku baaqan Mudaharaad,qas iyo rabshado aan loo baahneyn.
- Waa cadahay in Xisbiga Mucaaridka ah ee Waddani,aanay dan iyo muraad ka laahayn, deganaashaha iyo ammaanka Qaranka inta lagu jiro dabaal dega 18 May,waxaa kale oo ayaan darro weyn ah in Xisbiga Waddani,ay qiimayn waayaan,tixgelin waayaan qiimaha iyo qaayaha ay leedahay 18 May.
- Waxaa la gudboon,waajib ku ah Xisbiga Mucaaridka ah ee Waddani,in ay sida ugu dhakhsaha badan uga noqdaan,Mudaharaadka iyo rabshadaha ay ugu baaqayaan taageerayaashooda.
- Haddii ay deg deg uga noqon waayaan baaqa Mudaharaadka ay ku baaqeen Xisbiga Waddani,Shacabka Somaliland waxaan ka codsanayaa in ay dhegaha ka furaystaan markale,hana ogaado Shacabka Somaliland in Xisbiga qaderin waayey 18 May,Shacabkana waxaa la gudboon in ay kala noqdaan wixii taareero ah ee ay hayaan Xisbiga Waddani.
Dawannews Hargeysa office