Somaliland Oo Nigeria Ku Karbaashtay Ciyaarteedii 1-aad Ee African Cup Of Nations UK

Xulka qaranka Somaliland ayaa ciyaartoodii koowaad ee koobka African Nations Cup UK Cummuninty ku garaacay xulka qaranka Nigeria.
Koobka Qaramada bulshooyinka Afrika ee ku nool UK ayaa ah bulshada ugu firfircoon ee qabsada koobka ugu xiisaha badan ee dalka UK laga ciyaaro marka ay timaado dadka qurba jooga ah ee ka yimaada dalalka ka baxsan UK.
Tatartankan ayaa u qaybsan laba qaybood kuwaas oo kala ah kooxaha ay da’doodu ka yartahay 16 sano jirka iyo kooxaha ay da’doodu furan tahay. Haddaba kooxda matalaysay Somaliland ayaa markii ugu horaysay ka soo qayb gashay waxayna kulankeedii ugu horeeyay ee wareega kowaad guul ka gaadhay kooxda Nigeria.
Kooxda Somaliland ayaa guushan ku gaadhay 1:0 ay ku garaacday Nigeria taas oo Somaliland u noqotay mid taariikhi ah.
Kooxdan Somaliland ayaa kulankii ugu horeeyay ka naxsatay kooxda Nigeria, waxayna muujisay awoodda ay u leedahay inay tartanka ku sii jiri karto.
Qubejooga Somaliland ayaa si cajiib ah oo la yaab leh u soo buux dhaafiyey geggidii kooxdoodu ku ciyaaraysay isla markaana muuhiyay sida ay kooxdooda taageerada ula garab taagan yihiin. Nigeria ayaa koobkan saddex jeer ku guulaysatay laakiin waxay ciyaartan guul daro kala kulantay Somaliland oo tartankan markii ugu horaysay sanadkan ka soo qayb gashay.Somaliland ayaa Group B kula jirta Nigeria oo ay guul ka gaadhay,Rwanda, Kenya iyo Burundi.