“Guddida Doorashooyinka Qaranku Wuxuu Diyaar u Yahay Inuu Kaalin Weyn ka Qaato Isku Soo Dhaweynta Khilaafka Siyaasiga ah ee Ku Saabsan Maalinta Doorashadda la Qabanayo”
Hargaysa (Dawan): Gudidda doorashooyinka qaranka ee Somaliland ayaa shaaciyay in maalinta Isniinta ah ee 21-ka bishan July ay si rasmi ah u bilaabayaan wacyigelinta diiwaangelinta cod-bixiyeyaasha, kana bilaabayaan gobolka Togdheer.
Komishanka doorashooyinku, waxay sidaasi ku sheegeen shir jaraa’id oo ay shalay ku qabteen xaruntoodda. waxa kale oo ay ka hadleen sidii loo soo af-jari lahaa muranka siyaasadeed ee ka dhex-taagan xukuumadda, golaha Guurtidda iyo axsaabta qaranka ee la xidhiidha xilliga la qabanayo doorashooyinka, iyo arrimo kale.
Guddoomiyaha gudidda doorashooyinka C/qaadir Iimaad Warsame, waxa uu ka waramay marxaladihii kala duwanaa ee ay soo martay sidii dalka looga qaban lahaa diiwaangelinta cod-bixiyeyaasha, iyo si loo gaadho in ay dalka ka qabsoonto doorasho xor iyo xalaal ah.
C/qaadir Iimaad Warsame, waxa uu sheegay in dastuurka jamhuuriyadda Somaliland iyo xeerarka doorashooyinku ay si cad u qeexayaan in gudiga doorashooyinku ay leeyihiin masuuliyadda cayimadda wakhtiga ay dalka ka qabsoomayaan doorashooyinku.
Hase yeeshee soo jeedintoodii ay hore madaxweynaha ugu gudbiyeen in ay doc-faruureen go’aankii ay golaha Guurtidu ku laaleen wakhtigii ay u qorsheeyeen in diiwaangelinta cod-bixiyeyaasha iyo doorashooyinkuba ay dalka ka qabsoomaan. Kadib markii ay muddo kordhin u sameeyeen muddo xileedka madaxweynaha iyo madaxweyne ku xigeenka. Isagoo arrimahaasi ka hadlayayna waxa uu yidhi “Waxaynu hore u wadda ogayn in taariikhdu markii ay ahayd, 9-kii bishii April ee sanadkan 2015, ay komishanka doorashooyinka qaranku u gudbiyeen madaxweynaha jamhuuriyadda Somaliland barnaamijkii diiwaangelinta cod-bixiyeyaasha, oo shardi u ahaa in ay dalka ka qabsoonto doorasho xor iyo xalaal ah. Sida uu tilmaamayo sharciyadda qodobka 28-aad ee xeerka diiwaagelinta cod-bixiyeyaasha, ee xeer NO. 37, oo 2007-dii soo baxay. Kaasi oo odhanayay, madaxweynaha ayaa ku dhawaaqaya xiliga la bilaabayo diiwaangelinta cod-bixiyeyaasha uu qarankani leeyahay, isagoo ku soo saaraya xeer madaxweyne ama digreeto. Kadib marka uu hello soo jeedinta komishanka doorashooyinka qaranka, waxaanu ku soo saarayaa muddo 15-maalmood gudahood ah, sida uu xeerku siinayo.
Madaxweynuhu wuxuu soo saaray digreeto, isagoo ka duulaya soo jeedintayadaasi, 12-kii bishii April 2015-ka. Sidoo kale gudidda doorashooyinka qaranku, waxa uu cayimay maalinta ay farsamo ahaan qaban karaan doorashooyinka soo socda ee madaxtooyadda iyo golaha Wakiiladda ee isku lamaan. 20-kii bishii April, 2015-ka, taariikhdaasi oo ku beegnayd 1-da bisha June 2016-ka. Iyagoo fulinayay waajibaadkoodda sharci ee ku xusan qodobka 8-aad ee xeerka NO. 20, ee doorashooyinka, taais oo dhigan sidan soo socota:
Komishanka doorashooyinka qaranka ayaa cayimaya, taariikhda la qabayo doorashooyinka si waafaqsan dastuurka jamhuuriyadda Somaliland, taasi oo iyada lafteedu ku soo bixi doonta digreeto madaxweyne.”
“Haddaba, waxaynu wada og-soonahay, 11-kii bishii May ee 2015-ka in golaha Guurtidu ay soo saareen go’aan ay ku laaleen soo jeedintii komishanka doorashooyinka qaranka, waxaanay muddo kordhin u sameeyeen madaxweynaha iyo madaxweyne ku xigeenka jamhuuriyadda Somaliland. Iyadoo doorashooyinka madaxtooyadda iyo golaha Wakiiladda ay ka dhigeen, April 2017-ka. Waxa kale oo taasi ka danbaysay gogoshii uu madaxweynuhu u fidiyay saddexda xisbi qaran.
Sidaa daraadeed, isagoo gudiga doorashooyinka qaranku qadarinaya geedi socodka dimoqraadiyadda Somaliland, nabadgeliyadeedda, hanaanka doorashooyinka iyo diiwaangelinta cod-bixiyaha, waxa ay go’aansadeen gudidda doorashooyinka qaranku, in khilaafka siyaasiga ah ee ku salaysan xiliga doorashadda in aan khal-khal la gelin, ama aanu khal-khla naga gelin, dib-u-dhacna aanu ku samaynin qabashadda diiwaangelinta cod-bixiyeyaasha, oo aanu ugu tallo galnay in ay bilaabanto dhamaadka bishan aynu ku jirno ee July 2015-ka” ayuu yidhi C/qaadir Iimaan.
Mar uu ka hadlayay wakhtiga ay bilaabmayso wacyigelinta diiwaangelinta cod-bixiyeyaasha iyo gobolka ay ka bilaabmayso, waxa uu yidhi “Maanta (shalay) oo ay bishu tahay 19-ka bisha July, sanadka 2015-ka, waxaanu idiinku yeedhnay in aanu halkan idiinka cadayno, in aynu hadda soo gaadhnay xiligii aanu si rasmi ah u bilaabi lahayn hawlaha diiwaangelinta cod-bixiyeyaasha, oo ku beegan 21-ka bishan aynu ku jirno ee July sanadkan 2015-ka.
Sidii aan hore u iclaaminay, oo aasaaskeedu yahay, bilawga wacyigelinta diiwaangelinta cod-bixiyeyaasha, tijaabinta qalabka diiwaangelinta, in la geeyo goobaha aan magaalooyinka ahayn, si loogu kalsoonaado in qalabku meel kasta ku shaqayn karro, Miyi iyo magaalaba.
Gudigga doorashooyinka qaranku, wuxuu wacyi gelinta diiwaangelinta cod-bixiyeyaasha ka bilaabi doonaa gobolka Togdheer, oo noqonaya gobolka ugu horeeya, Waxaananu ka bilaabi doonaa 21-ka bishan July ee sanadkan 2015-ka.
Dhinaca kale Md. C/qaadir, waxa uu sheegay in gudidda doorashooyinku ay diyaar u yihiin in ay kaalintoodda ka qaataan isku soo dhaweynta khilaafka siyaasadeed ee u dhexeeya axsaabta mucaaridka ah, xukuumadda iyo golaha Guurtidda, eek u saabsna wakhtiga la qabanayo doorashadda.
Waxaanu yidhi “Hadaba, gudiga doorashooyinka qaranku wuxuu diyaar u yahay, in uu kaalin weyn ka qaato isku soo dhaweynta khilaafka siyaasiga ah ee ku saabsan maalinta doorashadda la qabanayo, si aynu u helno doorasho xor iyo xalaala ah.”
Gebagebadii C/qaadir Iimaan Warsame, waxa uu mahad naq u jeediya xukuumadda Somaliland, axsaabta qaranka, shacbiga, saxaafadda, iyo dawladaha qaadhaan bixiyeyaasha ah, sida wanaagsan ee ay gudidda doorashooyinak uga shaqeeyaan hawlaha doorashooyinka iyo diiwaangelinta cod-bixiyehaasha.
Waxaanu qaadhaan-bixiyeyaasha u soo jeediyay in ay sii kordhiyaan taageeradda iyo wada shaqaynta ay la leeyihiin Somaliland gaar ahaana gudidda doorashooyinka. “Gudiga doorashooyinka qaranku, waxa uu u mahad naqayaa, xukuumadda Somaliland, axsaabta qaranka, shacab weynaha Somaliland, sida ay noola shaqeeyaan ee ay noo garab taagan yihiin, ee noogu kalsoon yihiin, iyo sidoo kale saxaafadda madaxa-banaan, sida aad kalsoonidiina noo siiseen, gudidda doorashooyinkana aad ula shaqaysaan, hawlaha ay wadaana ay ugu taageersan yihiin.
Waxa kale oo aanu u mahad naqaynaa deeq-bixiyeyaasha caalamiga ah, ee inaga caawiya diiwaangelinta iyo doorashooyinka jamhuuriyadda Somaliland, waxaananu ugaga mahad naqaynayaa sida wanaagsan ee ay ula sahqeeyaan gudidda doorashooyinka qaranka. Waxaananu u soo jeedinaynaa in ay wada shaqayntoodda sii kordhiyaan, si aynu u gaadhno u jeedadd ah in la hello doorashooyin xor ah, oo xalaal ah” ayuu yidhi guddoomiyaha gudidda doorashooyinku.
Sidoo kale waxaa shirkaasi jaraa’id ka hadashay Marwo Kaltuun Sheekh Xasan, oo tirsan xubnaha gudidda doorashooyinka, waxaanay faahfaahin ka bixisay muhiimadda ay bulshadda u leedahay diiwaangelinta cod-bixiyeyaasha iyo sidoo kale ciqaabta uu madanayo qofka lagu hello in uu is-diiwaangeliyay wax aka badan hal mar. “Diiwaangelintu waxay muhiim u tahay in ay dadku fahmaan, u jeedadda iyo muhiimadda ay diiwaangelinta cod-bixiyeyaashu u leedahay, si loo suurto-geliyo wacyigelinta diiwaangelinta, komishanka doorashooyinku wuxuu diyaariyay barnaamijyo qayb ka ah geedi socodka diiwaangelinta cod-bixiyeyaasha, oo loogu tallo galay in lagu marro, laguna wacyigeliyo dadweynaha, in ay isku diyaariyaan diiwaangelinta cod-bixiyeyaasha.
Xeerka diiwaangelinta cod-bixiyeyaashu wuxuu dhigayaa, in aan doorashadda lagu geli Karin diiwaangelin la’aan, waana in uu qofku maalinta doorashadda la yimaado, kaadhka codaynta. In la hello doorasho xor iyo xalaal ah, waxaa suurto-gelinaysa in la hello diiwaangelin si fiican loo qabtay. In lagu joojiyo dadka codeeya wax ka badan hal mar, waana gef in uu qofku dhawr jeer ocdeeyo. Markaa waa in ay dakdu fahmaan u jeedadda aynu u samaynayno diiwaangelinta cod-bixiyeyaasha”.
Waxaanay intaasi ku dartay, “Waxa kale oo aanu bulshadda u sheegaynaa in qofka lagu hello in uu laba jeer, am aka badan is-diiwaangeliyay oo qalabka diiwaangelintu qabanayo, ciqaabta uu mutaysan doono. In bulshadu ay ogaato cid ay ka reeban tahay in la diiwaangeliyo. Wacyiyelintu waxay u dhici doontaa qaabab kala duwan, si loo gaadhsiiyo wacyigelinta diiwaangelinta gobol kasta oo diiwaangelinta laga samayn doono.
Waxaa si toos ah u fulin doona hawsha wacyigelinta, komishanka doorashooyinka qaranka, oo la kaashan dona ururadda bulshadda rayidka ah, qaar ka mid ah, iyo saxaafadda oo ah halka la marinayo, si ay bulshadda u gaadhsiiyaan, axsaabta qaranka oo iyagna qayb ka qaadan doona, iyo kooxo muhiim ah oo bulshadda wacyigelin kara, ama wax laga qaadan karro. Waxaanu soo dhawaynaynaa cidkasta oo diyaar u ah in ay nagala shaqayso hawsha wacyigelinta cod-bixiyaha. Waayo, taageeradda waanu u baahan nahay” ayay tidhi marwo Kaltuun Sheekh Xasan.