Hayadda caalamiga ah ee Amnesty International ayaa sheegtay inay jiraan cadeymo xooggan oo ku saabsan dembiyo dagaal oo Issraa’iil ka gashay Qasa kadib markii halkaai Xamaas ku qabsatey askari dagaalkii kal hore.
Warbixinta ayaa sheegaysa in lagu dilay 135 rayid ah duqeyn ka dhacdey Rafah kadib qabsashadii laba xiddigle Hadar Goldin 1dii August. Kaas oo markii danbe la sheegay inuu dhintey.
Amnesty waxa ay sheegtay in ay Israa’iil ku shaqaynayso siyaasad qariban oo ay ku baabiineyso shacabka.
Israel ayaa ku gacmosaydhay warbixinta oo ay ku tilmaantay mid aan bays lahayn oo dhinac keliya ah.
Dagaalkaasi oo socdey 50 cisho intii u dhexaysay bilihii July iyo August, ayaa ku dhamaadeu heshiis.
Dhinaca Falastiin waxa ku dhintey 2,251 qof oo 1,462 ka mid ahi shicib ahaayeen, sidaasna waxa sheegtey QM.
Halka dhinaca Israeli ay ka dhinteen 67 askari iyo lix shicib ahi.
