Madaxweynaha Turkiga Recep Tayyip Erdogan ayaa booqasho rasmi ah ku jooga Beijing si uu ula kulmo dhiggiisa Shiinaha Xi Jinping.
Mr Erdogan ayaa hoggaaminaya wefdi ganacsato ah oo u socda wadahadal la filayo inuu ku waajahnaado xidhiidhka dhaqaale.
Haseyeeshee wadaxaajoodka waxa kale oo lagu wadaa in lagaga hadlo qorshaha Turkiga ee is maan dhaafka dhaliyay ee la xidhiidha inuu iibsado habka gantaalaha riddada dheer ee shiinaha.
Booqashadiisa ayaa timi kadib xiisada dublomaasiyadeed ee dhawaan ka dhalatay sida uu shiinuhu ula dhaqmo shacabka muslimiinta ah ee dalkiisa ee lagu magacaabo Uighur kuwaasi oo xidhiidh dhaqan iyo mid diimeed oo dhaw la wadaaga Turkiga.
Ilaa 100 hoggaamiyeyaasha ganacsiga iyo maalgashiga Turkiga ah ayaa ku weheliya Mr Erdogan booqashadiisa oo dhamaaneysa khamiista.
