Qabiilada Badung oo ah mid dad tiro yar oo ku nool dalalka Barma iyo Thailand ayaa caan ku ah in dumarkoodu ay qoorta gashaadaan kariirad naxaas taasi oo ay xidhaan marka ay yar yihiin si ay uga qayb qaadato inay qoortoodu dheeraato. Kariiradda ayaa kolba la kordhiyaa marka ay gabadh yar qoorteedu dheerataaba si aanay dhibaato ugu keenin. Qabiiladan ayaa sidan u samaysa iyadoo aaminsan in qoorta dheer ay tahay caalamadaha quruxda iyo wanaagga.
Sodanaadkii qarinigii 20aad ayay dumarka ku xidhan kariirada qoorta ay aad ugu faafeen dalka Ingriiska, taasi oo ay dadku si weyn usoo dhoweeyeen, waxaana wakhtigaasi loo bixiyay dumarka Geriga ah iyadoo loo jeeday inay sida geriga u qoor dheer yihiin. Qabiiladan ayaa aaminsan in haddii aan inanta loo xidhin kariiradan marka ay yar tahay aan qoorteedu dheeraanayn, mana ah mid waxyeelo iyo dhibaato ay kala kulanto maxaa yeelay marka kasta waa la kordhiyaa kariiradda.
