Nin u dhashay dalka China ayaa gurigiisa oo ka kooban 8 dabaq dushiisa ka sameeyay beer wada dhir ah oo qof kasta yaab ku riday. Odayga Jawu oo 68 sano jiray ayaa beertan ka dhigay mid qurux badan oo ka muuqata gurigiisa korkiisa, taasi oo soo jiidatay dad badan oo ka kiraysta dhismihiisa.
Xukuumadda ayaa amar ku siisay inuu baabiiyo ka dib markii jaarku cabasho ka muujiyeen kuna tilmaameen mid aan sharci ahayn.
Guriga beertaasi ayaa hadda waxa ka kiraystay oo ku nool 180 qof, kuwaasi oo dadka jaarkiisa ahi ay dhawaaqooda ka cabanayaan sida lagu daabacay wargeyska Daily mail. Odayga oo isugu ku nool dabaqa lixaad ayaa sheegay inuu beertan fasax uga helay ururka Bikiin ee mashaariicda tijaabada ah “Beijing Association of pilot project” . Jaarka ayaa waxa kale oo ay ka ashkatoodeen in biyuhu dilaacinayaan guryahooda , halistuna ay tahay mid maalin kasta sii kordhaysa.
