Dacwad oogayaasha fadaraalka ayaa sheegtay in uu Brahim qeyb ka ahaa weerarkii madaarka Zaventem oo lagu dilay 11 qof, halka Khalid isku qarxiyay saldhigga tareenka Maelbeek metro, halkaasi oo ay ku dhinteen 20 qof.
Labo qof oo kale oo qey ka haa weerarka madaarka ayaan weli la aqoonsan, kuwaasi oo mid dhintay, kii kalena baxsad ku maqan yahay.
Dacwad oogayaasha ayaa sheegay inuu Brahim ka tegay qoraal uu ku sheegay welwelka haya.
Boqorka iyo boqorada Belgium ayaa booqday madaarka, waxaanay 260 dhaawacmay ku booqden cusbitaalada.
Boliiska ayaa horay u yaqaanay nimanka Raadinta nin saddexaad ayaa socota oo warbaahinta ay ku magacawday Najim Laachraoi. Laachraoui ayaa loo raadinayay qaraxii Paris ee November.
Soddon iyo afar qof ayaa ku dhintay in ka badan laba boqol ayaa ku dhaawacmeen weerarka.
Kooxda IS ayaa sheegatay inay ka danbaysay weerarka. Dalka Belgium calanka ayaa hoos loo dhigay iyadoo waddanka uu ku dhawaaqay saddex maalin oo tacsi ah.
