Khadar.M.Dhako.
Hargaysa(Dawan):-Safiirka Jamhuriyadda Somaliland u fadhiya dalka Jabuuti Cabdifataax Siciid Axmed ayaa ka hadlay Xidhiidhka ka dhaxeeya dalalka Somaliland iyo Jabuuti.
Cabdifataax Siciid Axmed oo shalay u Waramayay qaar ka mid ah Warbaahinta ayaa sheegay in Safaarada Jabtuuti fiisayso Baasaaboorka Somaliland isla markaana qiimo dhimis lagu sameeyay Fiisooyinka.
Cabdifataax Siciid Axmed oo arrimahaa ka hadlayayna waxa uu yidhi“Xidhiidhka Somaliland iyo Jabuuti Maanta maalin uu ka Wanaagsanyahay majiro Safaaradayada Jabuuti waxay bixisaa fiiseyaasha Somaliland nasiib Wanaag intii aanu joognay ee Xukuumadda Xisbiga KULMIYE,waxa aanu ku guulaysanay in Baasaaboorka Somaliland la Fiiseeeyo Sannadkan waxa yimid Jabuuti 12 Wasiir oo ka socday Somaliland mid kastaaba dhigiisii ayuu la kulmay qaarna Madaxweynaha Jabuuti ayay la kulmeen.wax badan ayaan Wadaagnaa Jabuuti Xidhiidh Dhaqaale Xidhiidh Walaaltinimo Xidhiidh Jaarnimo waxaanan uga mahadcelinayaa Dawladda Jabuuti Qiimo dhimis lagu sameeyay Fiisooyinka ,”.
Danjiraha Somaliland u fadhiya dalka Jabuuti oo hadalkiisa sii wata,ayaa intaa raaciyay.“Xukuumaddu siyaasad ayay ka leedahay ciddii dhexdhexaadin ka samaynaysa Somaliland iyo Soomaaliya diyaarna way u tahay mar baa jirtay ay Wada hadaladu hakad galeen,imikana ciddii aanu u arki karayno in ay dhexdhexaadin samayn karayso Xukuumaddu diyaar ayay u tahay.wadankay doonto ha noqoto ama Jabtuubi ha noqoto ama Wadamada kale ee Caalamka ha noqotee in Wada hadalada la biloobaa waa muhiim Jabuuti waa wadanka kaliya Somaliland ka furdaamin karaya Soomaaliya Mdaxweyne Ismaaciil Cumar Geele khibrad badan ayuu u leeyahay Arimaha Geeska Afrika ka dhacaya ,”.