Khadar.M.Dhako.
Hargaysa(Dawan):-Wasiirka Wasaarada Ganacsiga Dalxiiska iyo Wershadaha Somaliland Maxamuud Xasan Sacad Saajin iyo Guddoomiyaha Rugta Ganacsiga Somaliland Jamaal Caydiid Ibraahim ayaa lagu soo dhaweeyay Wadanka Holand oo ay Socdaal ku tageen.
Waxaana halkaasi ku soo dhaweeyay Guddoomiye ku Xigeenka Jaaliyadda Somaliland ee dalka Holand Axmed Aaden kaas oo wakiil ka ahaa Guddoomiyaha Jaaliyadda reer Somaliland ee Wadanka Holand Maxamuud Cabdala Digaale iyo jaaliyadda reer Somaliland ee Wadanka Holand.
Guddoomiye ku Xigeenka Jaaliyadda Somaliland ee dalka Holand Axmed Aaden oo halkaas hadal ka jeediyay ayaa soo dhawaynta weftiga uu wasiirku hoggaaminayo,ayaa sheegay in Jaaliyadda Holand ee Somaliland markasta soo dhaweeyaan Madaxda Somaliland ee socdaalka ku yimaada Wadanka Holand,isla markaana ay farxad u tahay inay socdaal ku yimadaan Wadanka Holand Wasiirka Wasaarada Ganacsiga Dalxiiska iyo Warshadaha.
Wasiirka Wasaarada Ganacsiga Wershadaha iyo Dalxiiska Maxamuud Xasan Saajin Sacad iyo Guddoomiyaha Rugta Ganacsiga Somaliland Jamaal Caydiid Ibraahim oo iyaguna halkaas hadal ka jeediyay ayaa uga Mahad naqay Jaaliyadda Somaliland ee Holand sida ay usoo dhaweeyeen.