Waxa tusaale xikmad ah laga dhigay in maalin Dacawo u tegtay Yayga oo ah xayawaanada adage e noolasha ka dabaasha dhibteeda, waxaana ay ka codsatay inuu baro sidii ay ugu noolaan lahayd noloshan dunida ee kadeedka badan ?
Yeyga ayaa ku yidhi : “ Waa hagaag, marka u horaysa ,waa inaad ka boodo Kurtinkaasi”? Dacawadii ayaa argatay inuu weyn yahay waxaana ay ku tidhi “ Waxaan ka baqayaa inaan jabo “.
Yayga ayaa ugu jawaabay “ ha baqan aniga ayaa ku qabanaya”. Dacawadii ayaa ka booday iyadoo baqanaysa oo doonaysa inuu qabto laakiin uma soo dhaqaaqin.
Markii ay dirqi ku badbaaday, ayay ku tidhi “ Maxaad ii qaban weyday imaad soo dhaqaaqinbe”.
Yayga ayaa ugu jawaabay xikmadda qisada looga jeeday “ Kani waa casharkii u horeeyay ee aan kugu barayay sidaad dunidan dhibta ugu noolaan lahayd, macnihiisu waa in aanad qofna isku halayn inuu ku badbaadiyo, xataa hadhkaaga adigu kartidaada iyo awoodaada adeegso”.