Hargaysa (Dawan): Waxaa mudooyinkan danbe si weyn looga dareemayay degmooyin ka tirsan caasimadda Hargaysa hab-sami u socodka hawlaha biyo-balaadhinta caasimadda Hargaysa oo imika la soo gaadhsiiyay gudaha magaaladda.
Iyadoo ay hadda socoto gelinta Qasabadaha ee goobaha ay ku yaalaan Berkadaha kaydka biyaha loogu tallo galay.
Wasiirka wasaaradda horumarinta biyaha Somaliland Maxamed Muuse Diiriye, ayaa maanta soo kormeeray goobaha ay ka socdaan mashruuca biyo-balaadhinta caasimadda Hargaysa.
Waxaana wasiirka wehelinayay badhasaabka gobolka Maroodijeex Jaamac Xaaji Axmed iyo maareeyaha wakaaladda biyaha Hargaysa Maxamed Daarood.
Intii wasiirka iyo masuuliyiinta kale ay kormeerka ku jireen waxay warbixino ka dhegaysteen Injiineerrada iyo khubarrada gacanta ku haya hawsha biyo-balaadhinta caasimadda.
Sidoo kale wasiirka iyo masuuliyiinta wehelinayay ayaa kormeerka kadib waxay faahfaahin ka bixiyeen hawlka ay marayso hawsha biyo-balaadhinta caasimadda Hargaysa.
Daawo: Goobihii Wasiirku Soo Kormeeray:
Dawannews.com/Hargaysa Office.