Laascaanood (Dawan) Murashax xildhibaan Yaasin Xaaji Maxamuud Xiir Faratoon, ayaa maalintii labaad ee ololaha xisbul xaakimka talada dalka haya ee KULMIYE, kula dabaal degay taageerayaashiisa jidadka hal bowlaha u ah magaalada Laascaanood ee xarunta gobolka Sool.
Murashax Faratoon, ayaa hadalo mahad naq iyo dhiirigelin isugu jira u jeediyay taageerayaashiisa.
Sidoo kale waxaa uu kumanaankii ka mid ahaa taageerayaashiisa uu u jeediyay khudbad u badneyd dardaaran isla markaana salka ku haysay maalinta doorashada ee maalmaha koobani innaga xigaan.
Dhanka kale waxaa uu bulshaweynta reer Laascaanood ka codsaday in ay maalinta doorashada u soo baxaan isla markaana ay codkooda u hibeeyaan.
Gaba gabadii waxaa uu taageerayaashiisa hadh iyo habeenka heeganka u ah guushiisa uu uga mahad celiyay sida ay uga go’an tahay in uu ka mid noqdo murashaxiinta guuleysanaya.
Halkan ka Daawo
