“Madaxweyne Muuse talada markii uu la wareegtay waxaa gobolka ka jiray 12 xannaano maantana waxaa ka shaqeeya 33 xannaano.” Isuduwaha caafimaadka Gobolka Sanaag
Ceerigaabo(Dawan):- Xukuumadda uu gadhwadeenka ka yahay Madaxweyne Muuse Biixi Cabdi,ayaa laba jibaar in ka badan kordhisay xarumaha adeegyada caafimaad ee gobolka Sanaag isla markaana ka hir gelisay Cisbitaallo casri ah oo gobolka ka hawl gala.
Dr Xasan Axmed Saalax isu duwaha caafimaadka gobolka Sanaag,ayaa iftiimiyay tirada xannaanooyinka gobolka ka shaqeeya iyo inta ay ku kordhisay Xukuumadda Madaxweyne Muuse Biixi Cabdi.
Isuduwaha wasaaradda horumarinta caafimaadka gobolka Sanaag Dr Xasan Axmed Saalax oo waraysi gaar ah ku siiyay xafiiskiisa wariyeyaal ka tirsan wargeyska Dawan oo safar shaqo ku tegay gobollada bari,ayaa ugu horrayn isagoo ka hadlaya xaaladda caafimaadka guud ee gobolka Sanaag,ayaa yidhi.“Caafimaadka guud ee gobolku aad iyo aad ayuu u wanaagsan yahay xannaanooyinka imika noo shaqeeyaa waxay dhan yihiin soddon iyo saddex xannaano waxaa kale oo noo shaqeeya sadex Cisbitaal degmo oo ku kala yaalla Ceel afweyn o Gar-adag iyo Badhan iyo cisbitaal heer gobol ah oo ku yaalla degada Ceerigaabo waxaa kale oo gobolka ka shaqeeya rugo caafimaad inkasta oo aanay aad u badnayn ama aan deegaano badan la gaadhsiin imika waxay dhan yihiin afar rug caafimaad waxaana noo qorshaysan in aanu soo kordhino oo aanu tuulooyinka gobolka oo dhan aanu gaadhsiino.
Waxaa kale oo jirta kooxo caafimaad oo la yidhaahdo Mobil Taem oo wareega oo mara dhulka iyo tuuliiyinka miyiga iyo meelaha aan la gaadhi Karin gaadha taga oo ka shaqeeya.
Gobolku waa gobol aad u ballaadhan oo dhullkiisu kala fogyahay oo buularay u badan,waxaa noo jooga imika gaadiidka guradka deg degga ah illaa 15 Ambalaas oo aanu kaga hawl galno gurmadka deg degga ah.
Waxaa kale oo aad noogu adkaa ogsijiinta caafimaadka oo aanu Hargeysa u doonan jirmay laakiin wasaaradda caafimaadku waxay noo keentay mishiinkii Ogsijiinta oo noo shaqaynaya oo aanu kaga maaranay tii aanu Hargeysa haamaha kaga soo qaadanaynay.”
Mar uu ka hadlayay waxqabadka xukuumadda madaxweyne Muuse ka hirgelisay gobolka Sanaag, ayuu yidhi.“Xukuumadda Madaxweyne Muuse Biixi mudadii ay talada dalka haysay waxay gobolka ka qabatay wax aad u wayn dhanka caafimaadka markii ay timi Xukuumadda Muuse 12 Xannaano ayaa jiray maantana waxay marayaan 33, waxaa kale oo noo qorshaysan in aanu imika hir gelino 18 xannaano oo kale oo cusub.markaa fidin aad u fara badan ayaa lagu